(vovworld) - ໂດຍ​ປະ​ຕິ​ບັດ​ແຜນ​ຮ່າງ “ເພີ່​ມ​ທະ​ວີ​ການ​ຮ່ວມ​ມື​ສາ​ກົນ​ໜູນ​ຊ່ວຍ​ການ​ພັດ​ທະ​ນາ - ເສດ​ຖະ​ກິດ​ສັງ​ຄົມ​ເຂດ​ຊົ​ນ​ເຜົ່າ​ສ່ວ​ນ​ໜ້ອຍ” ຂອງ​ລັດ​ຖະ​ບານ, 2 ປີ​ຜ່ານ​ມາ, ມີ​ຫຼາຍ​ໂຄງ​ການ​ໜູນ​ຊ່ວຍ​ໃຫ້​ຊ​າວ​ເຜົ່າ​ສ່ວນ​ໜ້ອຍ, ເຂ​ດ​ພູ​ດອຍ ​ໄດ້​ຮັບ​ການ​ຜັນ​ຂະ​ຫຍາຍ​ຢ່າງ​ມີ​ປະ​ສິດ​ທິ​ຜົນ. ໃນ​ນັ້ນ, ແຈກ​ຢາຍ​ແຫຼ່ງ​​ທຶນ​ແມ່ນ​ສຸມ​ໃສ່​​ການ​ພັດ​ທະ​ນາ​ເສດ​ຖະ​ກິດ​, ສັງ​ຄົມ, ສາ​ທາ​ລະ​ນະ​ສຸກ, ແກ​້​ໄຂ​ບັນ​ດາ​ບັນຫາ​ສັງ​ຄົມ, ການ​ສຶກ​ສາ ແລະ ການກໍ່ສ້າງ… ໄດ້​ປະ​ກອບ​ສ່ວນ​ລົບ​ລ້າງ​ຄວາມ​ອຶດ​ຫິວ, ຫຼຸດ​ຜ່ອນ​ຄ​​ວາມ​ທຸກ​ຍາກ, ປັບ​ປຸງ​ຊີ​ວິດ​ການ​ເປັນ​ຢູ່​ຂອງ​ປະ​ຊາ​ຊົນ​ເຂດ​ຊົນ​ເຜົ່າ​ສ່ວນ​ໜ້ອຍ ແລະ ເຂ​ດ​ພູ​ດອຍ. ບົດ​ຂຽນ​ຂອງ​ທູ​ຮັ່ງ, ນັກ​ຂ່າວ VOV ດ້ວຍ​ຫົວ​ຂໍ້​ວ່າ “ປະ​ສິດ​ທິ​ຜົນ​ຈາກ​ນະ​ໂຍ​ບາຍ​ໜູນ​ຊ່ວຍ​ການ​ພັດ​ທະ​ນາ​ເສດ​ຖະ​ກິດ, ສັງ​ຄົມ​ຢູ່​ເຂ​ດ​ພູ​ດອຍ”.