ໂຄ​ສົກ​ກະ​ຊວງ​ການ​ຕ​່າງ​ປະ​ເທດຫວຽດ​ນາມ ເລ​ຫາຍ​ບີງ (vovworld)- ວັນ​ທີ 16/7, ທີ່​ການ​ປະ​ຊຸມ​ຂ່າວ​ນັດ​ສາ​ມັນ​ຂອງ​ກະ​ຊວງ​ການ​ຕ່າງ​ປະ​ເທດ​ຫວຽດ​ນາມ, ເມື່ອ​ຕອບ​ຄຳ​ຖາມ​ກ່ຽວ​ກັບ​ທັດ​ສະ​ນະ​ຂອງ​ຫວຽດ​ນາມ​ຕໍ່​ໜ້າ​ຂໍ້​ຕົກ​ລົງ​ນິວ​ເຄຼຍປະ​ຫວັດ​ສາດ​ລະ​ຫວ່າງ​ອີ​ຣານ​ກັບ​ບັນ​ດາ​ປະ​ເທດ​ມະ​ຫາ​ອຳ​ນາດ​ພາຍຫຼັງ​ດຳ​ເນີນ​ການ​ເຈ​ລະ​ຈາ​ເປັນ​ເວ​ລາ 12 ປີ, ໂຄ​ສົກ​ກະ​ຊວງ​ການ​ຕ​່າງ​ປະ​ເທດຫວຽດ​ນາມ ເລ​ຫາຍ​ບີງ ຢືນ​ຢັນ​ວ່າ :     “ຫວຽດ​ນາມ​ຊົມ​ເຊີຍ​ຄວາມ​ມາ​ນະ​ພະ​ຍາ​ຍາມ​ຂອງ​ບັນ​ດາ​ຝ່າຍ​ທີ່​ກ່ຽວ​ຂ້ອງ​ເພື່ອ​ບັນ​ລຸ​ຂໍ້​ຕົກ​ລົງ​ຮອບ​ດ້ານ​ລະ​ຫວ່າງ​ອີ​ຣານ ແລະ ກຸ່ມ​ P5+1 ກ່ຽວ​ກັບ​ບັນ​ຫາ​ນິວ​ເຄຼຍ​ຂອງ​ອີ​ຣານ​ໃນ​ວັນ​ທີ 14/7. ພວກ​ຂ້າ​ພະ​ເຈົ້າ​ຖືວ​່າ ນີ້​ແມ່ນ​ການ​ປະ​ກອບ​ສ່ວນ​ສຳ​ຄັນ ແລະ ຕັ້ງ​ໜ້າ​ເຂົ້າ​ໃນ​ສະ​ຖຽນ​ລະ​ພາບ, ຄວາມ​ສະ​ຫງົບ​ຢູ່​ພາກ​ພື້ນ ແລະ ໃນ​ໂລກ”.     ເມື່ອ​ຕອບ​ຄຳ​ຖາມ​ກ່ຽວ​ກັບ​ກໍ​ລະ​ນີ​ສື່ມວນ​ຊົນ​ອາ​ເມ​ລິ​ກາ​ໄດ້​ໃຫ້​ຂ່າວ​ເມື່ອ​ວັນ​ທີ 14/7 ວ່າ ມີ​ຊາວ​ຫວຽດ​ນາມ​ຄົນ​ໜຶ່ງ​ຖືກ​ສານ​ອາ​ເມ​ລິ​ກາຕັດ​ສິນໂທດ​ຈຳ​ຄຸກ 13 ປີ​ກ່ຽວ​ກັບ​ການ​ກະ​ທຳ​ຮັກ​ເກີ ແລະ ບັນ​ດາ​ມາດ​ຕະ​ການ​ປົກ​ປ້ອງ​ພົນ​ລະ​ເມືອງ​ຂອງຫວຽດ​ນາມໃນ​ກໍ​ລະ​ນີນີ້, ໂຄ​ສົກ​ກະ​ຊວງ​ການ​ຕ​່າງ​ປະ​ເທດຫວຽດ​ນາມ ເລ​ຫາຍ​ບີງ ຢືນ​ຢັນ​ວ່າ :     “ ບັນ​ດາ​ສຳ​ນັກ​ງານ​ຕາງ​ໜ້າ​ຫວຽດ​ນາມ​ປະ​ຈຳ​ອາ​ເມ​ລິ​ກາ ພວມ​ສົມ​ທົບ​ກັບ​ບັນ​ດາ​ອົງ​ການ​ສຳ​ນັກ​ງານ​ທີ່​ມີ​ໜ້າ​ທີ່​ຮັບ​ຜິດ​ຊອບ​ຢູ່​ພາຍ​ໃນ​ປະ​ເທດ​ກໍ​ຄ​ື​ຢູ່​ປະ​ເທດ​ປະ​ຈຳ​ຖິ່ນ ເພື່ອ​ເຮັດ​ແຈ້ງ​ຂໍ້​ມຸນ​ຂ່າວ​ສານ​ທີ່​ກ່ຽວ​ຂ້ອງ​ເຖິງ​ກໍ​ລະ​ນີນີ້​ຕື່ມ​ອີກ. ກະ​ຊວງ​ການ​ຕ່າງ​ປະ​ເທດ​ຍັງ​ຊີ້​ນຳ​ບັນ​ດາ​ສຳ​ນັກ​ງານ​ຜູ້​ຕາງ​ໜ້າ​ຫວຽດ​ນາມ​ປະ​ຈຳ​ອາ​ເມ​ລິ​ກາ ດຳ​ເນີນ​ບັນ​ດາ​ມາດ​ຕະ​ການ​ເພື່ອ​ຮັບ​ປະ​ກັນ​ສິດ​ພົນ​ລະ​ເມືອງ​ສຳ​ລັບ​ບຸກ​ຄົນ​ນີ້​ ”.