ຫວຽດນາມຖືມະນຸດແມ່ນໃຈກາງໃນນະໂຍບາຍທີ່ກ່ຽວຂ້ອງເຖິງປ່ຽນແປງຂອງດິນຟ້າອາກາດ
07/03/2015 10:11
(vovworld)- ຫວຽດນາມຍາມໃດກໍຖືມະນຸດແມ່ນໃຈກາງໃຮທຸກນະໂຍບາຍທີ່ກ່ຽວຂ້ອງເຖິງການປ່ຽນແປງຂອງດິນຟ້າອາກາດ....
ຫວຽດນາມເອົາໃຈໃສ່ເຖິງການປູກຕົ້ນໄມ້ເປັນປ່າເພື່ອຮັບມືກັບການປ່ຽນແປງຂອງດິນຟ້າອາກາດ (vovworld)- ຫວຽດນາມຍາມໃດກໍຖືມະນຸດແມ່ນໃຈກາງໃຮທຸກນະໂຍບາຍທີ່ກ່ຽວຂ້ອງເຖິງການປ່ຽນແປງຂອງດິນຟ້າອາກາດ. ນີ້ແມ່ນຄຳຢືນຢັນຂອງຜູ້ຕາງໜ້າຫວຽດນາມຢູ່ທີ່ກອງປະຊຸມສະພາສິດທິມະນຸດແຫ່ງ ສ.ປ.ຊ ກ່ຽວກັບ ການປ່ຽນແປງຂອງດິນຟ້າອາກາດ ແລະ ສິດທິມະນຸດ ຊຶ່ງຖືກຈັດຂຶ້ນຢູ່ເຊີແນວປະເທດສະວິດເມື່ອວັນທີ 6/3. ຕາມຜູ້ຕາງໜ້າຫວຽດນາມແລ້ວ, ຫວຽດນາມແມ່ນໜຶ່ງໃນບັນດາປະເທດຮັບຜົນກະທົບຢ່າງຮ້າຍແຮງທີ່ສຸດຈາກການປ່ຽນແປງຂອງດິນຟ້າອາກາດ ແລະ ພວມປະເຊີນໜ້າກັບສິ່ງທ້າທາຍນີ້ບໍ່ໜ້ອຍ. ຫວຽດນາມຫວັງຊຸກຍູ້ການຮ່ວມມືກ່ຽວກັບການຮັບມືກັບການປ່ຽນແປງຂອງດິນຟ້າອາກາດກໍຄືຫຼຸດຜ່ອນຜົນກະທົບຈາກການປ່ຽນແປງຂອງດິນຟ້າອາກາດດ້ວຍການປົກປ້ອງ ແລະ ຊຸກຍູ້ສິດທິມະນຸດ. ບັນດາປະເທດຄວນເພີ່ມທະວີການປະສານສົມທົບການປົກປ້ອງ ສິດພັດທະນາ, ສິດທິດ້ານສະບຽງອາຫານ, ເຄຫະສະຖານ, ການສຶກສາ ເຂົ້າກັບບັນດານະໂຍບາຍຮັບມືກັບການປ່ຽນແປງຂອງດິນຟ້າອາກາດ, ພ້ອມທັງເອົາໃຈໃສ່ຫຼາບກ່ວາອີກເຖິງເປົ້າໝາຍມີຄວາມສ່ຽງໄພສູງກວ່າໝູ່.
TAG
ປ່ຽນແປງ/ດິນຟ້າອາກາດ
Related
