ທ່ານ ​ເວື​ອງດີງ​ເຫ້ວ photo:baomoi.com (vovworld)-  ວັນ​ທີ 3/1, ຄະນະ​ປະຕິບັດ​ງານ​ຂອງ​ຄະນະ​ເສດຖະກິດ​ສູນ​ກາງ​ໂດຍ​ທ່ານ ​ເວື​ອງດີງ​ເຫ້ວ, ກຳມະການ​ສູນ​ກາງ​ພັກ, ຫົວຫນ້າ​ຄະນະ​ດັ່ງກ່າວ​ນຳ​ຫນ້າ ​ໄດ້​ເຮັດ​ວຽກ​ກັບ​ການ​ນຳ​ນະຄອນ​ໂຮ່ຈິ​ມີນກ່ຽວ​ກັບ​ສະພາບ​ການ​ຜັນ​ຂະຫຍາຍ ​ແລະ ໝາກຜົນ​ການ​ປະຕິບັດ​ມະຕິ​ຂອງ​ກົມ​ການ​ເມືອງ​ກ່ຽວ​ກັບ​ທິດ​ທາງ, ຫນ້າ​ທີ່​ພັດທະນາ​ນະຄອນ​ໂຮ່ຈິ​ມີນຮອດ​ປີ 2020, ສະພາບ​ການ​ປະຕິບັດ 3 ບາດກ້າວ​ບຸກທະລຸ​ຍຸດທະ​ສາດ​ຕິດ​ພັນ​ກັບ​ຮູບ​ແບບ​ການ​ເຕີບ​​ໂຕ, ສ້າງ​​ໂຄງ​ປະກອບ​ພື້ນຖານ​ເສດຖະກິດ​ຄືນ​ໃຫມ່, ​ແຜນການ​ພັດທະນາ​ເສດຖະກິດ​ຂອງ​ນະຄອນ​ປີ 2014. ທີ່​ການ​ເຮັດ​ວຽກ, ທ່ານ​ເວື​ອງດີງ​ເຫ້ວ ຕີ​ລາຄາ​ສູງ​ບັນດາ​ໝາກຜົນ​ທີ່​ບັນລຸ​ໄດ້​ກ່ຽວ​ກັບ​ຂົງ​ເຂດ​ເສດຖະກິດ, ວັດທະນະທຳ, ສັງຄົມ​ຂອງ​ນະຄອນ​ໃນ​ໄລຍະ 2011-2013. ຕາມ​ທ່ານ ​ເວື​ອງດີງ​ເຫ້ວ ​ແລ້ວ, ​ໃນ​ການ​ບໍລິຫານຂອງ​ນະຄອນ ຄວນ​ເອົາ​ໃຈ​ໃສ່​ເປັນ​ພິ​ເສດ​ເຖິງ​ຄຸນ​ນະພາ​ບການ​ເຕີບ​ໂຕ, ຕ້ອງ​ກຳນົດ​ຄາດໝາຍ​ຢ່າງ​ຈະ​ແຈ້ງ, ​ເປັນ​ຕົ້ນ​ແມ່ນ​ດັດ​ຊະນີ​ກ່ຽວ​ກັບ​ສະມັດ​ຕະພາບ​ແຮງ​ງານ, ການ​ລົງທຶນ​ຢ່າງ​ມີ​ປະສິດທິ​ຜົນ, ການ​ປະ​ກອບ​ສ່ວນ​ຂອງ​ບັນດາ​ຂົງ​ເຂດ. ນີ້​ກໍ​ແມ່ນ​ບົດຮຽນ​ທີ່​ດີ​​ໃນ​ການ​ຄົ້ນ​ຄ້ວາ​ບັນດາ​ນະ​ໂຍບາຍ​ພັດທະນາ​ໃຫ້​ແກ່​ທ້ອງ​ຖິ່ນ​ຕ່າງໆ.