ຄະນະ​ພົວພັນ​ຕ່າງປະ​ເທດ​ສູນ​ກາງ​ພັກ​ແນວ​ໂຮມ​ປົດ​ປ່ອຍ​ຊາດ ຊານ​ດີ​ໂນ ຢ້ຽມຢາມສຸສານປະທານໂຮ່ຈິມິນ ພາບ:TTXVN (vovworld) -  ຕອນ​ບ່າຍ​ວັນ​ທີ 2/4, ຢູ່​ສຳນັກງານ​ສູນ​ກາງ​ພັກ, ທ່ານ ​ເລຮົ່ງ​ແອ​ງ ຜູ້​ປະຈຳ​ຄະນະ​ເລຂາ​ສູນ​ກາງ ​ໄດ້​ຕ້ອນຮັບ​ທ່ານ Ha xin to Xoa ret ຫົວຫນ້າ​ຄະນະ​ພົວພັນ​ຕ່າງປະ​ເທດ​ສູນ​ກາງ​ພັກ​ແນວ​ໂຮມ​ປົດ​ປ່ອຍ​ຊາດ ຊານ​ດີ​ໂນ(FSLN), ຫົວຫນ້າ​ກຳມາ​ທິການ​ສະພາ​ແຫ່ງ​ຊາດ ນີກາຣາກວາ ທີ່ພວມ​ຢ້ຽມຢາມ​ແລະ ​ເຮັດ​ວຽກ​ຢູ່​ ຫວຽດນາມ. ທ່ານ ​ເລ​ຮົ່ງ​ແອ​ງ ​ໄດ້​ຊົມ​ເຊີຍ​ບັນດາ​​ໄຊຊະນະ​ທີ່​ພັກ FSLN ​ແລະ ປະຊາຊົນ ນີກາຣາກວາ ຍາດ​ມາ​ໄດ້​ໃນ​ໄລຍະ​ຜ່ານ​ມາ, ​ເປັນ​ຕົ້ນ​ແມ່ນ​ໄຊຊະນະ​ຂອງ​ການ​ເລືອກ​ຕັ້ງ​ປະທານາທິບໍດີ​ເມື່ອ​ເດືອນ 11/2011, ຕີ​ລາຄາ​ສູງ​ບັນດາ​ການ​ປະກອບສ່ວນ​ຂອງ​ພັກ FSLN ​ເຂົ້າ​ໃນ​ໄຊຊະນະ​ຂອງ​ຂະ​ບວນການ​ຝ່າຍ​ຊ້າຍ ອາ​ເມ​ລີ​ກາ​ລາຕີ​ນ. ທ່ານ​           ເລ​ຮົ່ງ​ແອ​ງ ມີ​ຄວາມ​ເຊື່ອ​ໝັ້ນ​ວ່າ: ​ໃນ​ໄລຍະ​ຈະ​ມາ​ເຖິງ, ພັກ FSLN ​ແລະ ປະຊາຊົນ ນີກາຣາກວາ ຈະ​ຍາດ​ໄດ້ຜົນ​ງານ​ອັນ​ໃຫຍ່​ຫລວງຫລາຍ​ຢ່າງ​​ໃນ​ພາລະກິດ​ຕໍ່ສູ້​ຂອງ​ຕົນ​ກວ່າ​ອີກ​. ສ່ວນ​ທ່ານ Ha xin to Xoa ret ​ໄດ້​ເນັ້ນ​ຫນັກ​​ເຖິງ​ຄວາມ​ໝາຍ​ອັນ​ໃຫຍ່​ຫລວງ​ຂອງ​ບັນດາ​ໄຊຊະນະ​ ຊື່​ງ​ປະຊາຊົນ ຫວຽດນາມຍາດ​ມາ​ໄດ້​ໃນ​ການ​ຕໍ່ຕ້ານ​ຕ້ານ​ຈັກກະພັດ​ອາ​ເມ​ລິ​ກາ​ສຳລັບ​ຂະ​ບວນການປົດ​ປ່ອຍ​ຢູ່ ນີກາຣາກວາ ​ແລະ ອາ​ເມ​ລິ​ກາ​ລາຕີ​ນ ພ້ອມ​ທັງ​ສະ​ແດງ​ຄວາມ​ປາດ​ຖະຫນາ​ຢາກ​ຊຸກຍູ້​ການ​ພົວພັນ​ສາ​ມັກ​ຄີ, ມິດຕະພາບ, ການ​ຮ່ວມ​ມື​ສອງ​ຝ່າຍ​ລະຫວ່າງ​ສອງ​ພັກ ​ແລະ ປະຊາຊົນ​ສອງ​ປະ​ເທດ​ກວ່າ​ອີກ.