ກອງປະຊຸມກວດສອບແຫ່ງລັດຫວຽດນາມ-ລາວ-ກຳປູເຈຍຄັ້ງທີ5 photot:vietnamplus.vn (vovworld)-ຕອນ​ເຊົ້າ​ວັນ​ທີ 27/11, ກອງ​ປະຊຸມ​ບັນດາ​ຫົວຫນ້າ​ອົງການ​ກວດ​ສອບ​ແຫ່ງ​ລັດ 3 ປະ​ເທດ ຫວຽດນາມ-​ກຳປູ​ເຈຍ-​ລາວ ຄັ້ງ​ທີ 5 ດ້ວຍ​ຫົວ​ຂໍ້: “ຄຸ້ມ​ຄອງ​ ຄຸນ​ນະ     ພາ​ບການກວດ​ສອບ” ຖືກ​ໄຂ​ຂຶ້ນ​ຢູ່​ນະຄອນຫລວງ ພະນົມ​ເປັນ ປະ​ເທດ ​ກຳ​ປູ​ເຈຍ ດ້ວຍ​ຈຸດໝາຍ​ເພີ່ມ​ທະວີ​ການ​ຮ່ວມ​ມື​ດ້ານ​ວິຊາ​ສະ​ເພາະ​ລະຫວ່າງ​ອົງການ​ກວດ​ສອບ​ແຫ່ງ​ລັດ 3 ປະ​ເທດ. ຄະນະ​ຜູ້​ແທນ​ຫວຽດນາມ ​ໂດຍ​ ດຣ ຫງວຽນ​ຫື​ວ​ວ້ານ, ກຳມະການ​ສູນ​ກາງ​ພັກ, ຫົວຫນ້າ​ອົງການ​ກວດ​ສອບ​ແຫ່ງລັດ​ຫວຽດນາມ ​ເປັນ​ຫົວຫນ້າ​ຄະນະ. ທີ່​ກອງ​ປະຊຸມ, ບັນດາ​ຫົວຫນ້າ​ອົງການ​ກວດ​ສອບ​ຂອງ 3 ປະ​ເທດ ​ເຫັນ​ດີ​ເປັນ​ເອກະສັນ​ກັນ​ໂດຍ​ຖື​ວ່າ: ການ​ຄຸ້ມ​ຄອງ​ຄຸນ​ນະພາ​ບການກວດ​ສອບ​ແມ່ນ​ຫນ້າ​ທີ່​ສຳຄັນ​ຕົ້ນຕໍ​ຂອງ​ຂະ​ແຫນງ​ກວດ​ສອບ​ແຫ່ງ​ລັດ, ​ແມ່ນ​ຈຸດໝາຍ​ສຳຄັນ​ໃນ​ຍຸດ​ທະ​ສາດ​ພັດທະນາ​ເພື່ອ​ຮັບປະກັນ​ການ​ຄົງ​ຕົວ ​ແລະ ພັດທະນາ​ຂອງ​ອົງການ​ກວດ​ສອບ​ແຫ່ງ​ລັດ, ຕອບ​ສະຫນອງ​ຄວາມ​ມຸ່ງ​ຫວັງ​ຂອງ​ສັງຄົມ, ມຸ່ງ​ໄປ​ເຖິງ​ພື້ນຖານ​ການ​​ເງິນ​ຢ່າງ​ໂປ່​ງ​ໃສ, ​ເປີດ​ເຜີຍ, ປະສິດທິ​ຜົນ ​ແລະ ພັດທະນາ​ແບບ​ຍືນ​ຍົງ. ບັນດາ​ຝ່າຍ​ໄດ້​ແບ່ງປັນ​ບົດຮຽນ​ໃນ​ການ​ຊ່ວຍ​ລັດຖະບານ ວາງ​ແຜນ​ກຳນົດ ​ແລະ ປະຕິບັດ​ບັນດາ​ຍ​ຸດທະ​ສາດ​ພັດທະນາ​ເສດຖະກິດ​ທີ່​ໄດ້​ວາງ​ອອກ ​ແລະ ປຶກສາ​ຫາລື​ມາດ​ຕະການ​ເພີ່ມ​ທະວີ​ກາ​ນຮ່ວມ​ມື​ດ້ານ​ວິຊາ​ສະ​ເພາະ​ລະຫວ່າ​ງອົງການ​ກວດ​ສອບ​ 3 ປະ​ເທດ.