(vovworld)-  ຕອນ​ຄ່ຳ​ວັນ​ທີ 8/3, ສື່​ເອ​ເລັກ​ໂຕ​ນິກພັກ​ກອມ​ມູນິດ ຫວຽດນາມ, ​ໂທລະພາບ​ຫວຽດນາມ ​ແລະ ​ເຫລົ່າທັບ​ເຮືອ​ຫວຽດນາມ ສົມທົບ​ກັນຈັດ​ຕັ້ງລາຍການ​ພົວພັນ​ແລກປ່ຽນ​ສິລະ​ປະ“ລະດູບານ​ໃຫມ່​ເຈື່ອງ​ຊາ”ປີ 2014. ທ່ານ​ນາງ ຕອງ​ທິຟອງ, ຮອງ​ປະທານ​ສະພາ​ແຫ່ງ​ຊາດ ​ໄດ້​ເຂົ້າ​ຮ່ວມ​ລາຍການ. ລາຍການ​ດັ່ງກ່າວ​ຖືກ​ຈັດ​ຂຶ້ນ​​ເພື່ອສືບ​ຕໍ່​ໂຄສະນາ, ຍົກ​ສູງ​ຄວາມ​ຮັບ​ຮູ້​ຂອງ​ປະຊາຊົນ​ທຸກ​ຊັ້ນ​ວັນນະ​ກ່ຽວ​ກັບ​ບົດບາດ​ຂອງ​ອະທິປະ​ໄຕທະ​ເລ​ໝູ່​ເກາະ, ປະກອບສ່ວນ​ສະ​ແດງ​ໃຫ້​ເຫັນ​ອາລົມ​ຈິດ​ຂອງ​ປະຊາຊົນ​ຢູ່​ເຂດ​ດິນ​ຕໍ່​ແຜ່ນ​ກັບ​ບັນດາ​ນັກຮົບ ​ແລະ ປະຊາຊົນ​ຢູ່​ເກາະ​ເຈື່ອງ​ຊາ.