ທ່ານ​ຫງວຽນ​ດັງ​ຕ້ຽນ ຜູ້​ອຳ​ນວຍ​ການ​ໃຫຍ່ວິ​ທະ​ຍຸ​ກະ​ຈາຍ​ສຽງ​ຫວຽດ​ນາມ VOVກ່າວ​ຄຳ​ເຫັນ​ທີ່​ພິ​ທີ​ (vovworld)- ວັນ​ທີ 10/2, ຢູ່​ຮ່າ​ໂນ້ຍ, ວິ​ທະ​ຍຸ​ກະ​ຈາຍ​ສຽງ​ຫວຽດ​ນາມ VOV ໄດ້​ສົມ​ທົບ​ກັບ​ຫ້ອງ​ການ UNESCO ປະ​ຈຳ​ຫວຽດ​ນາມ​ຈັດ​ພິ​ທີ​ສະ​ເຫຼີ​ມ​ສະຫຼອງ ວັນ​ກະ​ຈາຍ​ສຽງ​ໂລກປີ 2015. ຫົວ​ເລື່ອງ​ຂອງ ວັນ​ກະ​ຈາຍ​ສຽງ​ໂລກ​ປີນີ້​ແມ່ນ “ຊາວ​ໜຸ່ມ ແລະ ກະ​ຈານ​ສຽງ”. ກ່າວ​ຄຳ​ເຫັນ​ທີ່​ພິ​ທີ​ ທ່ານ​ຫງວຽນ​ດັງ​ຕ້ຽນ ຜູ້​ອຳ​ນວຍ​ການ​ໃຫຍ່ວິ​ທະ​ຍຸ​ກະ​ຈາຍ​ສຽງ​ຫວຽດ​ນາມ VOV ຊີ້​ແຈ້ງວ່າ : “  ວັນ​ກະ​ຈາຍ​ສຽງ​ໂລກ ກໍ​ແມ່ນ​ເວ​ທີ່​ປາ​ໄສ​ເພື່ອ​ຜູກ​ຮັດ ແລະ ຊຸກ​ຍູ້​ສາຍ​ພົວ​ພັນ​ຮ່ວມ​ມື​ລະ​ຫວ່າງ​ບັນ​ດາ​ສະ​ຖາ​ນີ​ວິ​ທະ​ຍຸ​ໃນ​ໂລກ ກ​ໍ​ຄື​ເພີ່ມ​ທະ​ວີ​ຄວາມ​ສ​າ​ມາດສຳ​ພັດ​ກັບ​ຂໍ້​ມູນ​ຂ່າວ​ສານ ແລະ ສົ່ງ​ເສີ​ມ​ການ​ພັດ​ທະ​ນາ​ຂອງ​ສື່ມວນ​ຊົນ​ໃນ​ຍຸກ​ປະ​ຈຸ​ບັນ. ວັນ​ກະ​ຈາຍ​ສຽງ​ໂລກປີນີ້ ແມ່ນ​ໂອ​ກາດ​ເພື່ອ​ໃຫ້​ຊາວ​ໜຸ່ມ​ມີ​ໂອ​ກາດ​ແລກ​ປ່ຽນ, ສືບ​ຕໍ່​ຢືນ​ຢັນ​ທີ່​ຕັ້ງ​ບົດ​ບາດ ແລະ ສຽງ​ເວົ້າ​ຂອງ​ຕົນ, ຊ່ວຍ​ພັດ​ທະ​ນາ​ບັນ​ດາ​ແນວ​ຄວາມ​ຄິດ, ຂໍ້​ລິ​ເລີ່ມ, ທັດ​ສະ​ນະ ແລະ ນຳ​ພະ​ລັງ​ແຮງ​ໃໝ່​ໃຫ້​ແກ່​ຂົງ​ເຂດ​ກະ​ຈາຍ​ສຽງ ”    ສ່ວນທ່ານ​ນາງ Muller – Marin ຫົວ​ໜ້າ​ຜູ້​ຕາງ​ໜ້າ​ອົງ​ການ UNESCO ປະ​ຈຳ​ຫວຽດ​ນາມ ຖື​ວ່າ   “ ຊາວ​ໜຸ່ມກວມ​ເອົາ​ອັດ​ຕາ​ສ່ວນ​ຢ່າງ​ສູງ​ໃນ​ຈຳ​ນວນ​ຜູ້​ຟັງ​ວິ​ທະ​ຍຸ ແລະ ພວກ​ເຮົາ​ຕ້ອງ​ຮັບ​ປະ​ກັນ​ວ່າ ເຂົາ​ເຈົາ້​ສືບ​ຕໍ່ ຟັງ​ວິ​ທະ​ຍຸເປັນ​ປະ​ຈຳ. ກະ​ຈາຍ​ສຽງ​ແມ່ນ​ພາ​ຫະ​ນະ​ສື່ມວນ​ຊົນ​ດຶງ​ດູດ​ໄວ​ໜຸ່ມ​ເຂົ້າ​ຮ່ວມ ບໍ່​ພຽງ​ແຕ່​ໃນ​ຖາ​ນະ​ເປັນ​ບັນ​ດາ​ຜູ້​ຟັງ​ເທົ່າ​ນັ້ນ, ຫາກ​ຍັງ​ແມ່ນ​ບັນ​ດາ​ຜູ້​ຜະ​ລິດ ແລະ ສ້າງ​ເນື້ອ​ໃນ​ຂອງ​ການ​ເຄື່ອນ​ໄຫວນີ້. ”