ສຳນັກພິມການເມືອງແຫ່ງຊາດ-ຊຶເທິດສະເຫຼີມສະຫຼອງ 70 ປີແຫ່ງວັນມູນເຊື້ອ
05/12/2015 08:59
(vovworld)- ຕອນເຊົ້າວັນທີ 5/12, ຢູ່ຮ່າໂນ້ຍ, ສຳນັກພິມການເມືອງແຫ່ງຊາດ-ຊຶເທິດ(ແປວ່າ ຄວາມຈິງ)ສະເຫຼີມສະຫຼອງ 70 ປີ...
ທ່ານນາງຮອງປະທານປະເທດຫງວຽນທິຢວານໄດ້ມອບນາມມະຍົດວິລະຊົນແຮງງານໃຫ້ແກ່ ສຳນັກພິມການເມືອງແຫ່ງຊາດ-ຊຶເທິດ (vovworld)- ຕອນເຊົ້າວັນທີ 5/12, ຢູ່ຮ່າໂນ້ຍ, ສຳນັກພິມການເມືອງແຫ່ງຊາດ-ຊຶເທິດ(ແປວ່າ ຄວາມຈິງ)ສະເຫຼີມສະຫຼອງ 70 ປີແຫ່ງວັນມູນເຊື້ອຂອງຕົນຊຶ່ງມີການເຂົ້າຮ່ວມຂອງທ່ານເລຂາທິການໃຫຍ່ພັກກອມມູນິດຫວຽດນາມ ຫງວຽນຟູ້ຈ້ອງ, ອະດີດປະທານປະເທດ ເລດຶກແອງ, ອະດີດປະທານປະເທດ ເຈີນດຶກເລືອງ, ຮອງປະທານປະເທດຫງວຽນທິຢວານ. ກ່າວຄຳເຫັນທີ່ພິທີສະເຫຼີມສະຫຼອງ, ທ່ານນາງ ຮອງປະທານປະເທດຫງວຽນທິຢວານ ໄດ້ຮັບຮູ້ບັນດາຜົນງານປະກອບສ່ວນຂອງສຳນັກພິມການເມືອງແຫ່ງຊາດ-ຊຶເທິດໃນພາລະກິດປະຕິວັດຂອງຊາດຫວຽດນາມຜ່ານໄລຍະຕ່າງໆ. ທ່ານນາງຮອງປະທານປະເທດຫງວຽນທິຢວານ ກ່າວວ່າ : “ ເພີ່ມທະວີການຊີ້ນຳກ່ຽວກັບທິດສະດີ, ເຜີຍແຜ່ບົດຮຽນໃນພຶດຕິກຳຕົວຈິງໃຫ້ແກ່ພະນັກງານ, ສະມາຊິກພັກ ແລະ ປະຊາຊົນຢ່າງມີປະສິດທິຜົນ, ປະກອບສ່ວນປະຕິບັດໜ້າທີ່ຍຸດທະສາດສ້າງສາ ແລະ ປັກປັກຮັກສາປະເທດຊາດຢ່າງມີໄຊ. ໝູ່ຄະນະພະນັກງານ, ກຳມະກອນ ສຳນັກພິມການເມືອງແຫ່ງຊາດ-ຊຶເທິດຄວນສືບຕໍ່ເສີມຂະຫຍາຍບົດບາດແມ່ນສຳນັກງານພິມຈຳໜ່າຍທິດສະດີການເມືອງກົດໝາຍທີ່ຫຼັກແຫຼ່ງຂອງພັກ ແລະ ລັດ, ປະກອບສ່ວນຮັກສາ ແລະ ເປີດກ້ວາງແນວຮົບດ້ານແນວຄິດຂອງພັກ, ປະຕິບັດບົດບາດເປັນເສນາທິການໃຫ້ແກ່ກົມການເມືອງ, ຄະນະເລຂາສູນກາງກ່ຽວກັບແຜນນະໂຍບາຍ, ນະໂຍບາຍ, ແຜນການຜະລິດປຶ້ມທິດສະດີເປັນຢ່າງດີ” ເນື່ອງໃນໂອກາດນີ້, ໂດຍຕາງໜ້າໃຫ້ພັກ ແລະ ລັດ, ທ່ານນາງຮອງປະທານປະເທດຫງວຽນທິຢວານໄດ້ມອບນາມມະຍົດວິລະຊົນແຮງງານໃຫ້ແກ່ ສຳນັກພິມການເມືອງແຫ່ງຊາດ-ຊຶເທິດ.
TAG
vovworld/ສຳນັກພິມ
Related
