(CHỈ ĐỂ ẢNH TRONG TIN): Đồng chí Tô Lâm, Tổng Bí thư Ban Chấp hành Trung ương Đảng Cộng sản Việt Nam, Chủ tịch nước Cộng hòa xã hội chủ nghĩa Việt Nam nhiệm kỳ 2026 - 2031. Ảnh: TTXVN ທ່ານ ໂຕເລິມ ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ, ປະທານປະເທດ ສາທາລະນະລັດ ສັງຄົມນິຍົມ ຫວຽດນາມ (ພາບ: TTXVN) ​ທ່ານ​ ໂຕ​ເລິມ ເລ​ຂາ​ທິ​ກາ​ນ​ໃຫຍ່, ປະ​ທານ​ປະ​ເທດ ເກີດ​ວັນ​ທີ 10 ກໍ​ລະ​ກົດ 1957. ບ້ານ​ເກີດ: ຕາ​ແສງ ເຫງ້ຍ​ຈຸ, ແຂວງ​ຮຶງ​ອຽນ ທ່ານ​​ເປັນ​ກຳ​ມະ​ການ​ສູນ​ກາງ​ພັກ 4 ຊຸດ​ຢ່າງ​ຕໍ່​ເນື່ອງ, ແຕ່​ຊຸດ​ທີ XI ຫາ ຊຸດ​ທີ XIV, ເປັນ​ກຳ​ມະ​ການ​ກົມ​ການ​ເມືອງ 3 ຊຸດ​ແຕ່​ຊຸດ​ທີ XII ຫາ ຊຸດ​ທີ XIV, ສະ​ມາ​ຊິກ​ສະ​ພາ​ແຫ່​ງ​ຊາດ 3 ຊຸດ​ແຕ່​ຊຸດ​ທີ XIV ຫາ​ຊຸດ​ທີ XVI. ພາຍຫຼັງ​ຮຽນ​ຈົບ​ໂຮງ​ຮຽນ​ຕຳຫຼວດ​ສູນ​ກາງ, ເປັນ​ຈຸ​ບັນ​ແມ່ນວິ​ທະ​ຍາ​ຄານ​ຄວາມ​ໝັ້ນ​ຄົງ​ປະ​ຊາ​ຊົນ, ທ່ານ​ເຮັດ​ວຽກ​ຢູ່​ກົມ​ປ້ອງ​ກັນ​ການ​ເມືອງ 1, ຫຼັງ​ຈາກ​ນັ້ນ​ດຳ​ລົງ​ບັນ​ດາ​ຕຳ​ແໜ່ງ​ຄື: ຮອງ​ຫົວ​ໜ້າ​ກົມ​ປົກ​ປ້ອງ​ການ​ເມືອງ 1, ຫົວ​ໜ້າ​ກົມ​ປົກ​ປ້ອງ​ການ​ເມືອງ 3, ​ກົມ​ໃຫຍ່​​ປ້ອງ​ກັນ​ຄວາມ​ສະ​ຫງົບ. ປີ 2009, ທ່ານ​ດຳ​ລົງ​ຕຳ​ແໜ່ງ​ເປັນ​ຫົວ​ໜ້າ​ກົມ​ໃຫຍ່​ປ້ອງ​ກັນ​ຄວາມ​ສະ​ຫງົບ 1. ກ່ອນ​ທີ່​ຈະ​ດຳ​ລົງ​ຕຳ​ແໜ່ງ​ເປັນ​ລັດ​ຖະ​ມົນ​ຕີ​ກະ​ຊວງ​ຕຳຫຼວດ​ແຕ່​ເດືອນ​ເມ​ສາປີ 2016, ທ່ານ​ດຳ​ລົງ​ຕຳ​ແໜ່ງ​ເປັນ​ຮອງ​ລັດ​ຖະ​ມົນ​ຕີ​ເປັນ​ເວ​ລາ 6 ປີ. ຕົ້ນ​ປີ 2019, ທ່ານ​ໄດ້​ເລື່ອນ​ຊັ້ນ​ຂຶ້ນ​ເປັນ​ພົນ​ເອກ. ເດືອນ​ພຶດ​ສະ​ພາ​ປີ​ 2024, ສະ​ພາ​ແຫ່ງ​ຊາດ​ໄດ້​ເລືອກ​ເອົາ​ທ່ານ​ດຳ​ລົງ​ຕຳ​ແໜ່ງ​ປະ​ທານ​ປະ​ເທດ, ຫຼັງ​ຈາກ​ນັ້ນ 3 ເດືອນ ຄະ​ນະ​ບໍ​ລິ​ຫານ​ງານ​ສູນ​ກາງ​ພັກ​ຊຸດ​ທີ XIII ເລືອກ​ຕັ້ງ​ທ່ານ​ດຳ​ລົງ​ຕຳ​ແໜ່ງ​ເລ​ຂາ​ທິ​ການ​ໃຫຍ່​ຄະ​ນະ​ບໍ​ລິ​ຫານ​ງາ​ນ​ສູນ​ກາງ​ພັກ​ກອມ​ມູ​ນິດ ຫວຽດ​ນາມ. ທ່ານ​ດຳ​ລົງ​ສອງ​ຕຳ​ແໜ່ງ​ໃນ​ໄລ​ຍະ​ສັ້ນ, ຫຼັງ​ຈາກ​ນັ້ນ​ດຳ​ລົງ​ຕຳ​ແໜ່ງ​ເລ​ຂາ​ທິ​ການ​ໃຫຍ່​ແຕ່​ເດືອນ ຕຸ​ລາ 2024 ມາ​ຮອດ​ປັດ​ຈຸ​ບັນ. ເວ​ລາ​ຜ່ານ​ມາ, ທ່ານ​ເລ​ຂາ​ທິ​ການ​ໃຫຍ່ ໂຕ​ເລິມ ພ້ອມ​ກັບ​ຄະ​ນະ​ບໍ​ລິ​ຫານ​ງານ​ສູນ​ກາງ​ພັກ, ກົມ​ການ​ເມືອງ, ຄະ​ນະ​ເລ​ຂາ​ທິ​ການ ໄດ້​ຊີ້​ນຳ​ນຳ​ພາ, ປະ​ກາດ​ໃຊ້ຫຼາຍ​ນະ​ໂຍ​ບາຍ​ຊີ້​ຂາດ​ໃຫຍ່, ວາງ​ເປົ້າ​ໝາຍ​ຮອດ​ປີ 2030 ຫວຽດ​ນາມ ກາຍ​ເປັນ​ປະ​ເທດ​ພວມ​ພັດ​ທະ​ນາ ມີ​ອຸດ​ສາ​ຫະ​ກຳ​ທັນ​ສະ​ໄໝ, ມີ​ລາຍ​ຮັບ​ປານ​ກາງ​ສູງ; ຮອດ​ປີ 2045 ກາຍ​ເປັນ​ປະ​ເທດ​ພັດ​ທະ​ນາ, ມີ​ລາ​ຍ​ຮັບ​ສູງ.