(VOVWORLD) - ທ້າຍອາທິດຜ່ານມາ, ຢູ່ຄຸ້ມຖະໜົນຍ່າງ ຮວ່ານກຽມ (ຮ່າໂນ້ຍ) ມີຄວາມຄຶກຄື້ນມ່ວນຊື່ນ ແລະ ຫຼາກຫຼາຍສີສັນດ້ວຍເວທີສະແດງຊຸດເສື້ອຍາວ, ພ້ອມດຽວກັນນັ້ນ ກໍຍັງມີການເຂົ້າຮ່ວມຂອງແມ່ຍິງນັບພັນຄົນທີ່ນຸ່ງຊຸດເສື້ອຍາວທີ່ສວຍງາມ. ນີ້ແມ່ນກິດຈະກຳນອນໃນຂອບເຂດງານບຸນຊຸດເສື້ອຍາວການທ່ອງທ່ຽວຮ່າໂນ້ຍ ປີ 2023 (ເຊິ່ງໄດ້ດຳເນີນແຕ່ວັນທີ 27 – 29 ຕຸລາ), ໂດຍເປັນເຫດການໃຫຍ່ຂອງນະຄອນຫຼວງ ເພື່ອແນໃສ່ແນະນຳ, ໂຄສະນາ, ເຊີດຊູຄວາມງາມຂອງຊຸດເສື້ອຍາວອັນເປັນປະເພນີ ຂອງ ຫວຽດນາມ ເຖິງປະຊາຊົນ ແລະ ແຂກທ່ອງທ່ຽວ. ໄປຄຽງຄູ່ກັນນັ້ນ, ນະຄອນ ຮ່າໂນ້ຍ ກໍໄດ້ຈັດຫຼາຍເຫດການເພື່ອແນໃສ່ປະກອບສ່ວນແຜ່ກະຈາຍຄວາມຮັກສຳລັບຊຸດເສື້ອຍາວຂອງຊາດຕື່ມອີກ.