(VOVWORLD) - ຫວ່າງແລ້ວນີ້, ກະຊວງວິທະຍາສາດ ແລະ ເຕັກໂນໂລຢີໃໝ່ໄດ້ປະກາດໃຊ້ “ແຜນການດຶງດູດນັກຊ່ຽວຊານເກັ່ງ 100 ຄົນທັງຢູ່ພາຍໃນ ແລະ ຕ່າງປະເທດເຂົ້າຮ່ວມບັນດາໂຄງການ, ໜ້າທີ່ວິທະຍາສາດ ແລະ ເຕັກໂນໂລຢີຈຸດສຸມລະດັບຊາດກ່ຽວກັບປັນຍາປະດິດ (AI)”. ນີ້ແມ່ນບາດກ້າວເພື່ອຫັນບັນດາເປົ້າໝາຍໃຫຍ່ໃນຍຸດທະສາດແຫ່ງຊາດກ່ຽວກັບການຄົ້ນຄ້ວາ, ພັດທະນາ ແລະ ໝູນໃຊ້ AI ຈົນຮອດປີ 2030, ພ້ອມທັງສະແດງຄວາມຕັດສິນໃຈຂອງ ລັດຖະບານໃນການລະດົມ ແລະ ເສີມຂະຫຍາຍພູມປັນຍາຂອງຖັນແຖວນັກຊ່ຽວຊານຢ່າງມີປະສິດທິຜົນເພື່ອຊຸກຍູ້ການພັດທະນາບຸກທະລຸຂອງຂົງເຂດ AI ຢູ່ ຫວຽດນາມ.