(VOVWORLD) - ໃນເດືອນມິຖຸນານີ້, ຢູ່ພະລາຊະວັງ ທັງລອງ ໄດ້ດຳເນີນວັນບຸນການທ່ອງທ່ຽວ ຮ່າໂນ້ຍ, ນີ້ໄດ້ຮັບຖືວ່າແມ່ນເຫດການສົ່ງເສີມການທ່ອງທ່ຽວປະຈຳປີ ເພື່ອແນໃສ່ເຊີດຊູຄວາມງາມທາງດ້ານວັດນະທະທຳ ແລະ ປະຫວັດສາດຂອງນະຄອນຫຼວງ, ໂຄສະນາບັນດາສະຖານທີ່ທ່ອງທ່ຽວທີ່ມີຊື່ສຽງພ້ອມກັບບັນດາເຍື່ອງອາຫານທີ່ອຸດົມສົມບູນຂອງຮ່າໂນ້ຍ. ວັນບຸນໄດ້ສ້າງຄວາມປະທັບໃຈຍາກທີ່ຈະຫຼົງລືມໄດ້ໃຫ້ແກ່ແຂກທ່ອງທ່ຽວເມື່ອມາຢາມນະຄອນຫຼວງແຫ່ງອະລິຍາທຳນັບພັນປີ.