អគ្គលេខាធិការអ.ស.បលោក Antonio Guterres។ (រូបថត៖ Xinhua/VNA)

លោក Antonio Guterres ជាបេក្ខជនតែមួយគត់ ដែលត្រូវបានប្រទេសសមាជិក អ.ស.បឧទ្ទេសនាមឲ្យឈរឈ្មោះកាន់តំណែងជាអគ្គលេខាធិការអ.ស.បសម្រាប់ អាណត្តិ២០២២-២០២៦។ ក្នុងសុន្ទរកថាឈរឈ្មោះ លោក Guterres បានសង្កត់ធ្ងន់ ថា អាទិភាពរបស់ខ្លួនក្នុងអាណត្តិខាងមុខ រួមមានការបន្តឆ្លើយតបនឹងជម្ងឺរាតត្បាត កូវីដ ១៩ និងដំណោះស្រាយផលវិបាកដែលវាបង្កឡើងផងដែរ។

លោក Guterres ក៏បានឲ្យដឹងថែមទៀតថា នឹងខិតខំប្រឹងប្រែងជំរុញសន្តិភាព និងសន្តិសុខ ក្នុងនោះផ្ដោតសំខាន់ទៅលើការគៀងគរការគាំទ្រចំពោះដំណោះស្រាយ នយោបាយសម្រាប់ជម្លោះអូសអន្លាយ ព្រមទាំងជំរុញការកសាងចក្ខុវិស័យថ្មីសម្រាប់ សកម្មភាពសន្តិភាព បង្កើនប្រតិបត្តិការរក្សាសន្តិភាព និងការពារជនស៊ីវិល។ ក្រៅពី នោះ លោកក៏បានសន្យាបន្តជំរុញការការពារបរិស្ថាននិងបង្កើនវិធានការទប់ទល់នឹង បម្រែបម្រួលអាកាសធាតុផងដែរ៕