លោក Rezae បានបញ្ជាក់ថា ច្រកសមុទ្រហ័រមូស នឹងមិនត្រូវបានបើកឡើងវិញនោះ​ទេ រហូតដល់ពេលដែល​សហរដ្ឋអាមេរិកបោះបង់ចោលគោលនយោបាយអរិភាពប្រឆាំងនឹងអ៊ីរ៉ង់ រួមទាំងការបញ្ចប់ការហ៊ុំព័ទ្ធដោយ​កងទ័ពជើងទឹក និងការវាយប្រហារលើនាវាដឹកទំនិញរបស់ទីក្រុងតេអេរ៉ង់។ ជាពិសេស អាជ្ញាធរអ៊ីរ៉ង់បានព្រមានថា ប្រទេសនេះនឹងកំណត់​តំបន់ហាមឃាត់មួយនៅជុំវិញច្រកសមុទ្រហ័រមូស ក្នុងពេលឆាប់ៗនេះ។ នាវាណាមួយដែលចូលទៅក្នុងតំបន់ហាមឃាត់ នឹងត្រូវបានចុះបញ្ជីជានាវារំលោភបំពាន ហើយ​ត្រូវបានហាមឃាត់មិនឱ្យឆ្លងកាត់ដែនទឹកអ៊ីរ៉ង់។

សេចក្តីព្រមានរបស់អាជ្ញាធរអ៊ីរ៉ង់កើតឡើង​ក្នុង​បរិបទដែលមានការប៉ះទង្គិចគ្នាយ៉ាងខ្លាំង​ក្លារវាងកងកម្លាំងអាមេរិក និងអ៊ីរ៉ង់នាប៉ុន្មានថ្ងៃថ្មីៗនេះ។ ជាពិសេស ការវាយប្រហាររបស់សហរដ្ឋអាមេរិកលើអ៊ីរ៉ង់នៅល្ងាចថ្ងៃទី ៣ ខែកញ្ញាបានបណ្តាលឱ្យមានមនុស្សយ៉ាងហោចណាស់ ១៨ នាក់ស្លាប់ និងជាង ១០ នាក់រងរបួស​។

នៅលើផ្នែកសេដ្ឋកិច្ច សហរដ្ឋអាមេរិកបន្តរឹតបន្តឹងការហ៊ុំព័ទ្ធដោយ​កងទ័ពជើងទឹកចំពោះកំពង់ផែ និងដែនទឹកអ៊ីរ៉ង់។ បញ្ជាការកណ្តាលសហរដ្ឋអាមេរិកសម្រាប់មជ្ឈិមបូព៌ា បាន​ប្រកាសថា ចាប់តាំងពីការដាក់បទការហ៊ុំព័ទ្ធនៅពាក់កណ្តាលខែកក្កដាមក កម្លាំងនេះបានស្ទាក់ចាប់ និងបង្វែរទិសនាវាដឹកទំនិញចំនួន ៩២ គ្រឿង ធ្វើអកម្ម​នូវនាវាចំនួន ៣ គ្រឿង និងចុះចតសម្រាប់ការត្រួតពិនិត្យនាវបា​ចំនួន ២ គ្រឿង។ តួរលេខនេះមិនរាប់បញ្ចូលនាវាដឹកប្រេងអ៊ីរ៉ង់យ៉ាងហោចណាស់ ៣ គ្រឿងដែលត្រូវបានបំផ្លាញដោយសហរដ្ឋអាមេរិកនៅរសៀលថ្ងៃទី ៥ ខែកញ្ញានោះទេ៕​