ជប៉ុនអនុវត្តប្រព័ន្ធកាំជ្រួចវាយទប់ទល់។         VOV-រដ្ឋាភិបាលជប៉ុនបានឲ្យអនុវត្តប្រព័ន្ធកាំជ្រួចវាយទប់ទល់ក្រោយ ពេល​ដែលសាធារណៈរដ្ឋប្រជាធិបតីប្រជាមានិតកូរ៉េបានប្រកាសនឹងបាញ់ បង្ហោះ​កាំជ្រួចមួយនាំតាមផ្កាយរណបក្នុងខែធ្នូដែលតូក្យូបានចាត់ទុកថានេះ ជាការសាកល្បងកាំជ្រួចចម្ងាយមួយ។ នាថ្ងៃទី២ធ្នូកំលាំងការពារជប៉ុនបាន ចាប់ផ្ដើម​ដំណើរការ​បណ្ដាអង្គភាពដើម្បីបាញ់ទប់ទល់បណ្ដាផ្នែកពីកាំជ្រួច របស់ព្យុងយ៉ាំង។ អង្គភាព​ការពារ​លើដែនអាកាសមួយបានចាប់ផ្ដើមចេញ ដំណើរពីទីបោះទ័ព Hakusan ខេត្ត Wakayama នៅភាគខាងលិចទៅកាន់​ Okinawa។ បណ្ដាអង្គភាពផ្សេងៗ​របស់​កំលាំងការពារបានបំពាក់ប្រព័ន្ធ កាំជ្រួចវាយទប់ទល់ PAC-3 ក៏បាន​ចាក់ចេញ​ពីមូលដ្ឋាននៅខេត្តចំនួន២គឺ Shiga និង​ Fukuoka។ ក្រសួងការពារជាតិ​ជប៉ុនបានព្យាករណ៍ថាកាំជ្រួចរបស់ សាធារណៈរដ្ឋប្រជាធិបតីប្រជាមានិតកូរ៉េនឹងហោះឆ្លងកាត់កោះ Sakishima របស់​ Okinawa៕