ក្រិកទទួលស្គាល់តួនាទីរបស់ IMF ក្នុងកញ្ចប់ប្រាក់ជំនួយទី ៣ (Image: VNA) (VOVworld) – ប្រធានក្រុម Eurogroup (រួមមានរដ្ឋមន្ត្រីហិរញ្ញវត្ថុនៃប្រទេស ជាសមាជិកចំណុះតំបន់ចាយប្រាក់អឺរ៉ូ) លោក Jeroen Djisselbloem បានឲ្យ ដឹង ថា៖ ក្រិកបានឯកភាពទាំងស្រុងស្តីពីការដែលមូលនិធិរូបីយវត្ថុអន្តរជាតិ  (IMF) ដើរតួនាទីមួយក្នុងកម្មវិធីផ្តល់ប្រាក់ជំនួយទី ៣ សំរាប់ប្រទេសនេះ ទោះបីជាមុន នោះ Athens បានអះអាងថា៖ ប្រទេសនេះមិនត្រូវការ IMF ទេ។  កញ្ចប់ប្រាក់ ជំនួយអន្តរជាតិទី ៣ សំរាប់ក្រិកមានតំលៃ ៨៦ ពាន់លានអឺរ៉ូ ​ (ស្មើនឹង ៩២ ពាន់លានដុល្លាអាមេរិក) ដែលក្រិកបានចុះហត្ថលេខាជាមួយ បណ្ដាម្ចាស់បំណុល អន្តរជាតិនាឆ្នាំ ២០១៥។ មន្ត្រីមិនបញ្ចេញឈ្មោះមួយ រូបរបស់ IMF ​បានឲ្យដឹងថា៖ អង្គការនេះនឹងមិនចូលរួមកញ្ចប់ប្រាក់ជំនួយ ណាមួយខណៈណាក្រិកមិន យល់ព្រមអនុវត្តពេញលេញផែនការកែទម្រង់ ដែលបណ្ដាម្ចាស់បំណុលទាមទានិងក្នុងករណីដៃគូអឺរ៉ុបនានាមិនឯកភាពកាត់ បន្ថយបំណុលសំរាប់ក្រិកទេ៕