​ (VOV)_នារសៀលថ្ងៃទី ៧ មិនា នៅទីក្រុងហាណូយ នាយករដ្ឋមន្ត្រីវៀតណាម  លោក Nguyen Tan Dung បានទទួលជួបតំណាងជាន់ខ្ពស់ពាណិជ្ជកម្ម EU លោក Karel  de Gucht ដែលកំពុងមកបំពេញទស្សនកិច្ចនៅវៀតណាម។ នៅទីនេះ នាយករដ្ឋមន្ត្រី វៀត​ណាម Nguyen Tan Dung បានអះអាងថា÷ វៀតណាមមានគោលបំណងជំរុញ​ខ្លាំងក្លាជាងទៀត ទំនាក់ទំនងពាណិជ្ជកម្មទ្វេភាគីជាមួយ EU ក៏ដូចជា ជំរុញការចរចារ អំពី​កិច្ចព្រមព្រៀងពាណិជ្ជកម្មសេរី (FTA)រវាងវៀតណាមនិង EU ។ នាយករដ្ឋមន្ត្រី  Nguyen Tan Dung ក៏បានសម្ដែងការជឿជាក់ថា÷ ជាមួយការខំប្រឹងប្រែងនិងការប្តេជ្ញា ចិត្ត​នយោបាយរួមរបស់ភាគីទាំងពីរ ការចរចារ  FTA​ រវាងវៀតណាមនិង EU អាច​សម្រេចនាចុងឆ្នាំ២០១៣នេះ។ តាមនោះ រួមចំណែកជំរុញខ្លាំងទំនាក់ទំនង​ពាណិជ្ជ កម្ម​រវាងវៀតណាមនិង EU និងនាំមកផលប្រយោជន៍ជាក់ស្ដែងរួមសំរាប់ភាគីទាំងពីរ។           តំណាងជាន់ខ្ពស់ពាណិជ្ជកម្ម EU លោក Karel de Gucht បានអោយដឹងថា÷​EU មានគោលបំណងជំរុញថែមទៀតទំនាក់ទំនងសហប្រតិបត្តិការជាមួយវៀតណាម និយាយរួម និងបណ្ដាប្រទេសអាស៊ាននិយាយដោយឡែក និងអះអាងថា÷​​EU នឹង​ខំប្រឹងប្រែងរួមជាមួយវៀតណាម ដើម្បីសម្រេចការចរចារ FTA រវាងវៀតណាមនិង EUយ៉ាងឆាប់ៗ៕​ នាយករដ្ឋមន្ត្រីវៀតណាម លោក Nguyen Tan Dung បានទទួលជួបតំណាងជាន់ខ្ពស់ពាណិជ្ជកម្ម EU លោក Karel de Gucht (TTXVN)