លោកស្រី Louise Chamberlain នាយិការជាតិនៃកម្មវិធីអភិវឌ្ឍន៍អង្គការសហប្រជាជាតិប្រចាំនៅវៀតណាម (iisd.ca)         VOV-នាថ្ងៃទី៧ឧសភានៅទីក្រុងហាណូយ វិទ្យាស្ថានស្រាវជ្រាវនីតិបញ្ញាត្តិ​គណៈកម្មាធិការអចិន្ត្រៃយ៍រដ្ឋសភាវៀតណាមបានសហការជាមួយកម្មវិធី អភិវឌ្ឍន៍អង្គការសហប្រជាជាតិប្រចាំនៅវៀតណាមបានរៀបចំបំផុសគំរោងការ “បង្កើន​ផ្គត់ផ្គង​និងផ្លាស់ប្តូរព័ត៌មាននីតិបញ្ញាត្តិរវាងបណ្ដាស្ថាប័នរដ្ឋសភាវៀត ណាម”។ គំរោងការមានតំលៃសរុប១,៥លានដុល្លារអាមេរិក គ្រោងនឹងអនុវត្តពី ឥឡូវដល់ឆ្នាំ​២០១៦សំដៅជួយឧបត្ថម្ភវិទ្យាស្ថានស្រាវជ្រាវនីតិបញ្ញាត្តិជំនះពុះ ពារលើកំហិត​ក្នុងសកម្មភាពស្រាវជ្រាវនាបច្ចុប្បន្នដើម្បីធានាការផ្គត់ផ្គងព័ត៌មាន និងការស្រាវ​ជ្រាវស៊ីជម្រៅសំរាប់រដ្ឋសភា បណ្ដាគណៈកម្មាធិការរដ្ឋសភានិង សមាជិកសភា។​ថ្លែងមតិនៅពិធី លោកស្រី Louise Chamberlain នាយិការជាតិ នៃកម្មវិធីអភិវឌ្ឍន៍អង្គការ​សហប្រជាជាតិ​ប្រចាំនៅវៀតណាមបានឲ្យដឹងថា៖         “ក្នុងប៉ុន្មានឆ្នាំខាងមុខជារយៈពេលដ៏សែនសំខាន់សំរាប់ការអភិវឌ្ឍន៍នៃ​ប្រព័ន្ធព័ត៌មាននីតិបញ្ញាត្តិរបស់វៀតណាម។ ដើម្បីឆ្លងផុតរាល់ការសាកល្បងនេះ វិទ្យាស្ថានស្រាវជ្រាវនីតិបញ្ញាត្តិត្រូវការជួយឧបត្ថម្ភដើម្បីបង្កើនថែមទៀតការងារ​ផ្គត់ផ្គងព័ត៌មាននីតិបញ្ញាត្តិ។ គំរោងការអូសបន្លាយក្នុងរយៈពេល៣ឆ្នាំនឹងជួយ​ឧបត្ថម្ភវិទ្យាស្ថានស្រាវជ្រាវនីតិបញ្ញាត្តិលើវិស័យចំនួន២។ ទីមួយគឺឆ្លើយតប​សំណូមពរពីបណ្ដាគណៈកម្មាធិការរបស់រដ្ឋសភានិងសមាជិកសភាទាក់ទិនដល់ ការផ្គត់ផ្គងព័ត៌មាននិងស្រាវជ្រាវអនុវត្តមានគុណភាពខ្ពស់។ ទីពីរគឺជួយឧបត្ថម្ភ​សមាជិកសភាកសាងនិងដាក់ជូនការផ្ដើមគំនិតច្បាប់និងប្រែក្លាយវាទៅជាគំរោង ច្បាប់៕”