ប្រឆាំងជំទាស់ការដែលនាវានេសាទត្រីចិនធ្វើឲ្យដាច់ខ្សែកាបនាវា Binh Minh ០២        VOV-ឆ្លើយសំណួររបស់អ្នកយកព័ត៌មានមួយចំនួនអំពីការដែលនាវា Binh Minh ០២ត្រូវនាវាចិនធ្វើឲ្យដាច់ខ្សែកាប លោក Pham Viet Dung អនុប្រធាន​គណៈ​កម្មាធិការស្វែងរកស្ទង់-ទទួលបន្ទុកការិយាល័យសមុទ្រខាងកើត (សម្ព័ន្ធ​ក្រុម ហ៊ុនប្រេងឧស្ម័នជាតិវៀតណាម-PVN) បានឲ្យដឹងថា នាវេលាម៉ោង៤និង៥​នាទី​ថ្ងៃទី៣០វិច្ឆិកាឆ្នាំ២០១២ ក្នុងពេលដែលនាវា Binh Minh ០២ធ្វើដំណើរ​ទៅ​ដំបន់​ក្រៅច្រកទ្វាឈូងសមុទ្រ Bac Bo ដើម្បីត្រៀមរៀបចំសិក្សាស្ទង់ស្រាវជ្រាវបាន ជួបនាវា​នេសាទត្រីចិនជាច្រើនកំពុងធ្វើសកម្មភាព។ ក្នុងពេលដែលបណ្ដាកង កំលាំង​សម័ត្ថកិច្ចផ្សាយសញ្ញាព្រមាននិងសំណូមពរឲ្យបណ្ដានាវានេសាទត្រី ចេញពីដំបន់ធ្វើការរបស់នាវា Binh Minh ០២ ស្រាប់តែមាននាវាមួយគូរពាក់ផ្លាក់ លេខ 16025 និង 16028 របស់ចិនបាន​ធ្វើដំណើរឆ្លង​កាត់ពីខាងក្រោយធ្វើឲ្យដាច់ ខ្សែកាបរបស់នាវា Binh Minh ០២។​ កន្លែង​ដាច់​ខ្សែកាបឆ្ងាយពីកោះ Con Co របស់ វៀតណាម៤៣ម៉ាយនិងឆ្ងាយពីខ្សែ​ដែន​សមុទ្រ​វៀតណាម-ចិនប្រមាណ២០ ម៉ាយទៅប៉ែកខាងលិច។ លោក Pham Viet Dung បានលើកច្បាស់ថា សម្ព័ន្ធក្រុម ហ៊ុនប្រេងឧស្ម័នជាតិវៀតណាម​ប្រឆាំង​ជំទាស់​ការដែលនាវានេសាទត្រីចិនធ្វើឲ្យ ដាច់ខ្សែកាបនាវា Binh Minh ០២និងស្នើរ​ស្ថាប័នមានសម័ត្ថកិច្ចសំណូមពរពលរដ្ឋ ចិនគោរពបូរណៈភាពដែនដីវៀតណាមលើដំបន់សមុទ្រវៀតណាម មិនធ្វើឲ្យជះ ឥទ្ធិពលដល់សកម្មភាពធម្មតារបស់នាវា​វៀតណាមក្នុងនោះមានបណ្ដានាវាពិនិត្យ ស្ទង់របស់សម្ព័ន្ធក្រុមហ៊ុនប្រេងឧស្ម័ន​ជាតិវៀតណាម៕