VOV-ពិធីទទួលជាផ្លូវការប្រធានាធិបតីអាហ្សង់ទិន Cristina Fernandez de Kirchner បានប្រព្រឹត្តទៅនាថ្ងៃទី២១មករានៅក្រុងហាណូយ។ ក្រោយពិធីទទួល ប្រធានាធិបតី Cristina Fernandez de Kirchner បានជួបចរចារជាមួយប្រធាន​រដ្ឋ​វៀត ណាមលោក Truong Tan Sang ជួបសន្ទនាជាមួយនាយករដ្ឋមន្ត្រីវៀតណាម​លោក Nguyen Tan Dung និងប្រធានរដ្ឋសភា Nguyen Sinh Hung។ មុននោះនា​ថ្ងៃទី១៩ មករានៅទីក្រុងហូជីមិញ ប្រធានាធិបតី Cristina Fernandez de Kirchner ​បានមក ទស្សនាទីក្រុងហូជីមិញនិងជួបធ្វើការជាមួយប្រធានគណៈកម្មាធិការ​ប្រជាជន ទីក្រុងហូជីមិញលោក Le Hoang Quan។ ប្រធានាធិបតីអាហ្សង់ទិន Cristina Fernandez de Kirchner មកបំពេញទស្សនកិច្ចជាផ្លូវការនៅវៀតណាម។         ក្នុងឱកាសព្រឹត្តិការណ៍នេះបណ្ដាកាសែតធំៗរបស់វៀតណាមច្បាប់ចេញ​ផ្សាយនាថ្ងៃទី២១មករាបានមានអត្ថបទជាច្រើនស្ដីពីទំនាក់ទំនងសហប្រតិបត្តិការ​រវាងប្រទេសទាំងពីរវៀតណាម-អាហ្សង់ទិន។ វិចារណកថារបស់កាសែត Nhan dan ក្រោមចំណងជើងថា​ “បង្កើនទំនាក់ទំនងសហប្រតិបត្តិការលើគ្រប់វិស័យ​ វៀតណាម-អាហ្សង់ទិន” បានលើកច្បាស់ថា ​គិតតាំងពីពេលប្រទេសទាំងពីរ បង្កើត​ទំនាក់ទំនងការទូតនាខែតុលាឆ្នាំ១៩៧៣មក វៀតណាមនិងអាហ្សង់ទិន បានមាន​ទំនាក់ទំនងសហប្រតិបត្តិការមិត្តភាពអភិវឌ្ឍន៍ដ៏ល្អប្រសើរ។ សេចក្តី ថ្លែងការរួម​វៀតណាម-អាហ្សង់ទិន ក្នុងដំណើរទស្សនកិច្ចនៅអាហ្សង់ទិនរបស់ ​នាយករដ្ឋមន្ត្រី​វៀតណាមលោក Nguyen Tan Dung បានអះអាងថា ទំនាក់ទំនងនៃ ប្រទេសទាំង​ពីរ​នាពេលកន្លងមកមានការអភិវឌ្ឍន៍យ៉ាងលឿនលើគ្រប់វិស័យនិង ទទួលបាន​កំរិតយុទ្ធសាស្ត្រ។         វិចារណកថាក្រោមចំណងជើងថា “ការបោះជំហានអភិវឌ្ឍន៍ថ្មីក្នុងទំនាក់​ទំនង​សហប្រតិបត្តិការវៀតណាម-អាហ្សង់ទិន” របស់កាសែត ​Quan doi Nhan dan បាន សង្កត់ធ្ងន់ថា ទំនាក់ទំនងសហប្រតិបត្តិការវៀតណាម-អាហ្សង់ទិន​អភិវឌ្ឍន៍​នឹងនាំ មកផលប្រយោជន៍សំរាប់ប្រទេសទាំងពីរក៏ដូចជាដំបន់ទាំងពីរ។ អាហ្សង់ទិនជា ស្ពានដើម្បីវៀតណាមមានទំនាក់ទំនងជាមួយប្រទេសក្នុងប្លុកទីផ្សាររួមអាមេរិក ខាងត្បូង ក្នុងពេលនោះវៀតណាមដើរតួនាទីជាស្ពានតភ្ជាប់រវាង​អាហ្សង់ទិនជា មួយអាស៊ាន៕