(VOVworld)-ទទួលសេចក្តីអញ្ជើញរបស់ប្រធានរដ្ឋ វៀតណាមTruong Tan Sang នាថ្ងៃទី ២០មិនា ប្រធានាធិបតីមីយ៉ាន់ម៉ា Thein Sein និងគណៈ ប្រតិភូជាន់ខ្ពស់បានអញ្ជើញមកបំពេញទស្សនកិច្ច ជាផ្លូវការនៅវៀតណាម។ នារសៀលថ្ងៃដដែល ពិធីទទួលប្រធានាធិបតីមីយ៉ាន់ម៉ា Thein Sein​បានរៀបចំឡើងដ៏មហោឡារិត នៅ វិមានប្រធានរដ្ឋ។ បន្ទាប់ពីពិធី ទទួល ប្រធានរដ្ឋTruong Tan Sangបានមានជំនួបសន្ទនាជាមួយ ប្រធានាធិបតីមីយ៉ានម៉ា Thein Sein។ ប្រធានរដ្ឋ Truong Tan Sang បានសម្តែង នូវការពេញ​ចិត្តចំពោះ ការអភិវឌ្ឍន៌នៃទំនាក់ទមនងមិត្តិភាពរបស់ប្រទេស ទាំង ពីរ៖  “វៀតណាមមានការយកចិត្តទុកដាក់ជាពិសេសដល់ទំនាក់ទំនងលើច្រើនវិស័យជាមួយ មីយ៉ាន់ម៉ាយើងខ្ញុំក៏ដឹងដែរថាទំនាក់ទំនងនេះចាប់ផ្តើមតាំងពីយូរណាស់មកហើយនិងត្រូវបាន គ្រប់ជំនាន់ក្រោយពូនជ្រុំឲ្យ ល្អប្រសើថែមទៀត។” ក្នុងបរិយាកាសមិត្តភាព​និងស្មោះត្រង់ប្រធានរដ្ឋវៀតណាម​Truong Tan Sang និង​ប្រធានាធិបតី​ Thein Sein បានជូនដំណឹងគ្នាអំពីសភាពការណ៍នៅ​ប្រទេស​និមួយៗនាពេលកន្លងទៅនេះ។ភាគីទាំង២បានផ្លាស់ប្តូរអំពីបញ្ហាអន្តរជាតិដែលភាគីទាំង២​មានការយកចិត្តួទុកដាក់ដូចគ្នា។ភាគីទាំង២បានសំដែងនូវ​គោល​បំណងបង្កើនទំនាក់ទំនងសហប្រតិបត្តិការរវាងប្រទេសទាំង២​ ពិសេសគឺការ​សាងសង់ខ្សែផ្លូវគោកពី​វៀតណាម​ទៅមីយ៉ាន់ម៉ានិងឡាវ។ក្រៅពីនោះ​ភាគីទាំង២​បានឯកភាពជំរុញខ្លាំងទំនាក់ទំនងសហប្រតិបត្តិការក្នុងក្របខ័ណ​ASEAN និង​ អង្គការអន្តរជាតិ ដូចជា​GMS-​ACMECS និងកិច្ចសហប្រតិបត្តិការរវាងវៀតណាមជា មួយកម្ពុជាឡាវនិងមីយ៉ាន់ម៉ា (CLMV) ជាដើម។វៀតណាមអះអាងនូវការគាំទ្រ​ មីយ៉ាន់ម៉ាទទួលតួនាទីជាប្រធាន​ASEAN នាឆ្នាំ​២០១៤។ នារសៀលថ្ងៃដដែលនាយករដ្ធមន្ត្រី Nguyen Tan Dungបានជួបសន្ទនាជាមួយប្រធានាធិបតី មីយ៉ានម៉ា Thein Sein។ នាយករដ្ធមន្ត្រី បានស្នើឲ្យភាគីទាំងពីររក្សាយន្តការពិគ្រោះនយោបាយ ប្រចាំឆ្នាំរវាងក្រសួងការបរទេសនៃប្រទេសទាំងពីរ ជំរុញកិច្ចសហប្រតិបត្តិការក្នុងមហាអនុដំបន់ ទន្លេមេគ្គង ជំរុញ​ការអនុវត្តបណ្ដាកម្មវិធីកិច្ចព្រមព្រៀងសហប្រតិបត្តិការលើបណ្ដាវិស័យដែល ថ្នាក់ដឹកនាំនៃប្រទេសទាំងពីរបានឯកភាព ពិសេសគឺក្នុងវិស័យកសិកម្ម ជលផល​រុក្ខាកម្ម ហិរញ្ញវត្ថុ ទូរគមនាគមន៍ និងថាមពលជាដើម៕