ទិដ្ឋភាពពិធីបង្ហូតទង់ជាតិ "ឯកភាពទឹកដី"។ (រូបថត៖ VNA)

នាព្រឹកថ្ងៃទី៣០ ខែមេសា នៅមណ្ឌលកេរ្តិ៍ដំណែលប្រវត្តិសាស្ត្រជាតិពិសេស តាមសង្ខាងមាត់ទន្លេ Hien Luong – Ben Hai តាងនាមប្រទេសជាតិទាំងមូល ខេត្ត Quang Tri បានអនុវត្តន៍យ៉ាងឱឡារិកនូវពិធីបង្ហូតទង់ជាតិ “ឯកភាពទឹកដី” ក្នុងឱកាសអបអរ សាទរខួបលើកទី៤៦ទិវារំដោះភាគខាងត្បូងទាំងស្រុង ឯកភាពប្រទេសជាតិ (ថ្ងៃទី៣០ ខែមេសា) និងអបអរសាទរខួបលើកទី៤៩ទិវារំដោះខេត្ត Quang Tri (ទី១ ឧសភា)។ ចូលរួមព្រឹត្តិការណ៍នេះ អតីតយុទ្ធជន លោក Nguyen Duy Tan បានសំណេះ សំណាលគួរឲ្យរំភើបចិត្តថា៖ “ក្រោយរយៈពេល៤៦ឆ្នាំ ខ្ញុំវិលត្រឡប់មកទីនេះដើម្បីចូលរួមពិធីបង្ហូតទង់ជាតិ។ នៅពេលទង់ជាតិត្រូវបានបង្ហូតឡើង ខ្ញុំមានអារម្មណ៍សោមនស្សរីករាយយ៉ាងក្រៃលែង នោះគឺមោទនភាពរបស់រូបខ្ញុំផ្ទាល់ក្នុងនាមជាយុទ្ធជន Hien Luong ម្នាក់ ព្រមទាំងក៏ជា មោទនភាពរបស់ប្រជាជនលើទូទាំងប្រទេសទៀតផង”។

ក្នុងឱកាសអបអរសាទរខួបទិវារំដោះភាគខាងត្បូង ឯកភាពប្រទេសជាតិ និងទិវា ពលកម្មអន្តរជាតិ នាយប់ថ្ងៃទី២៩ ខែមេសា នៅទីក្រុងហូជីមិញបានប្រព្រឹត្តទៅកម្មវិធី សិល្បៈក្រោមប្រធានបទ “បទ ចម្រៀងវីរភាពក្នុងនិទាឃរដូវនៃមហាជ័យជំនះ” នៅវិថី ដើរថ្មើជើង Nguyen Hue។ កម្មវិធីមានការចូលរួមសម្ដែងរបស់សិល្បៈករសិល្បៈការិនី និងតារាចម្រៀងល្បីឈ្មោះជាច្រើន។

ក្នុងពេលជាមួយគ្នានោះ នៅមជ្ឈមណ្ឌលអភិរក្សកេរ្តិ៍ដំណែល Thang Long – Ha Noi បានរៀបចំពិព័រណ៍ “ប្រទេសជាតិពោរពេញដោយក្ដីសប្បាយរីករាយ”។ ពិព័រណ៍ នេះបានដាក់តាំងបង្ហាញរូបថត ឯកសារជាច្រើនស្ដីពីប្រធានបទចំនួន៣៖ គ្រាប្រវត្តិ សាស្ត្រ; ហាណូយថ្ងៃទី៣០ មេសា ១៩៧៥; Sai Gon ថ្ងៃទី៣០ មេសា ១៩៧៥។ ក្រៅពី នោះ ពិព័រណ៍ក៏បានបង្ហាញឡើងវិញនូវរឿងដំណាល់ ការចងចាំគួរឲ្យរំភើបចិត្តរបស់ បណ្ដាសាក្សីប្រវត្តិសាស្ត្រទៀតផង៕