សន្និសីទអន្តរជាតិ NGO 3 បានបញ្ចប់។ (hanoitv.vn)         Vovworld-ក្រោយរយៈពេល២ថ្ងៃធ្វើការ នាព្រឹកថ្ងៃទី២៩វិច្ឆិកា សន្និសីទ​ អន្តរជាតិ​លើកទី៣អំពីទំនាក់ទំនងដៃគូររវាងវៀតណាមនិងអង្គការក្រៅរដ្ឋាភិបាល​បរទេសបានបញ្ចប់ជាមួយសំណើរមានតំលៃជាច្រើនរួមចំណែកទៅក្នុងការបង្កើន កិច្ចសហប្រតិបត្តិការរវាងវៀតណាមនិងអង្គការក្រៅរដ្ឋាភិបាលបរទេសក្នុងរយៈ​ ពេលខាងមុខ។ តាមរយៈបណ្ដាសកម្មភាពមនុស្សធម៍និងអភិវឌ្ឍន៍ បណ្ដាអង្គការ​ ក្រៅ​រដ្ឋាភិបាល​បរទេសនិងដៃគូវៀតណាមបានរួមចំណែកទៅក្នុងកិច្ចការកាត់​ បន្ថយ​ភាពក្រីក្រនៅវៀតណាម។ អនុរដ្ឋមន្ត្រីការបរទេសវៀតណាមលោក Ha Kim Ngoc បានអះអាងថា៖         “យើងខ្ញុំជឿជាក់ថា លើមូលដ្ឋានទំនាក់ទំនងសហប្រតិបត្តិការប្រកបដោយ​ប្រសិទ្ធភាពនិងទំនុកទុកចិត្តគ្នាទៅវិញទៅមក និងរួមជាមួយលទ្ធផលដ៏ល្អប្រសើរ​របស់សន្និសីទលើកនេះ ទំនាក់ទំនងសហប្រតិបត្តិការរវាងវៀតណាមនិងអង្គការ​ ក្រៅ​រដ្ឋាភិបាលបរទេសនឹងបន្តអភិវឌ្ឍន៍ស៊ីជម្រៅ រួមចំណែកសកម្មថែមទៀតទៅ​ ក្នុង​បុព្វហេតុកាត់បន្ថយភាពក្រីក្រនិងអភិវឌ្ឍន៍ចីរភាព៕”