ເກຼັກ ກູ້ເອົາຊີວິດຊາວອົບພະຍົບຢູ່ນອກຝັ່ງເກາະ Crete ກວ່າ 300 ຄົນ
15/04/2026 09:15
[VOVWORLD] - ວັນທີ 14 ເມສາ, ວົງການເຈົ້າໜ້າທີ່ ເກຼັກ ໃຫ້ຮູ້ວ່າ ໃນ 2 ວັນຜ່ານມາ, ກຳລັງປ້ອງກັນຝັ່ງທະເລຂອງປະເທດນີ້ ໄດ້ກູ້ເອົາຊີວິດຊາວອົບພະຫຍົບກວ່າ 300 ຄົນ, ສ່ວນຫຼາຍແມ່ນມາຈາກບັນດາປະເທດ ບັງກະລາເທດ, ອີຢິບ, ເຢແມນ ແລະ ຊູດັງ, ໃນສະພາບທີ່ເສັ້ນທາງອົບພະຍົບທີ່ອັນຕະລາຍ ຈາກ ລີບີ ໄປຍັງ ເອີຣົບ ນັບມື້ນັບເພີ່ມຂຶ້ນ.
ຕາມວົງການເຈົ້າໜ້າທີ່ ເກຼັກ ແລ້ວ, ສະເພາະໃນວັນທີ 23 ເມສາ, ກຳລັງປ້ອງກັນຝັ່ງທະເລຂອງປະເທດນີ້ໄດ້ກູ້ເອົາຊີວິດຊາວອົບພະຍົບ 150 ຄົນ ທີ່ພວມຂີ່ເຮືອຕໍ່ຊາມຊາຢູ່ນອກຝັ່ງເກາະ Crete ຢ່າງທັນການ. ບັນດາການເຄື່ອນໄຫວຊອກຫາກູ້ໄພກູ້ຊີບຜູ້ປະສົບເຄາະຮ້າຍນັ້ນ ຍັງສືບຕໍ່ໄດ້ດຳເນີນ, ໂດຍບໍ່ສົນໃຈຕໍ່ເງື່ອນໄຂດິນຟ້າອາກາດທີ່ຮ້າຍແຮງ ແລະ ລົມພັດແຮງຢູ່ເຂດນີ້. ຕາມຂໍ້ມູນຈາກອົງການສາກົນເພື່ອການເຄື່ອນຍ້າຍຖິ່ນຖານ ສປຊ (IOM) ແລ້ວ, ໃນ 2 ເດືອນຕົ້ນປີ 2026, ມີ 559 ຄົນເສຍຊີວິດຢູ່ທະເລ ເມດີເຕຣາເນຍ, ເພີ່ມຂຶ້ນທົບ 2 ເທົ່າ ເມື່ອທຽບໃສ່ປີກາຍ. ຕໍ່ກັບສະພາບການນັ້ນ, ລັດຖະບານ ເກຼັກ ສະໜັບສະໜູນບັນດາມາດຕະການຂອງ ສະຫະພາບເອີຣົບ ເພື່ອແນໃສ່ຈຳກັດຊາວອົບພະຍົບແບບຜິດກົດໝາຍ, ລວມທັງການສ້າງຕັ້ງບັນດາ “ສູນກັບຄືນບ້ານເກີດ” ຢູ່ນອກກຸ່ມ ເພື່ອສົ່ງຜູ້ຖືກປະຕິເສດໃບຄຳຮ້ອງຂໍລີ້ໄພໃຫ້ໄປຢູ່ຫັ້ນ. ນັກຂ່າວ VOV ປະຈຳ Praha
TAG
VOV/VOVWORLD/ອົງການສາກົນເພື່ອການເຄື່ອນຍ້າຍຖິ່ນຖານ ສປຊ/ອົບພະຍົບ
Related
