ວັນທີ 17 ມີນາ, ທ່ານນາງ Ursula von der Leyen ປະທານຄະນະກຳມະການເອີຣົບ ໃຫ້ຮູ້ວ່າ ສະຫະພາບເອີຣົບ (EU) ຈະໜູນຊ່ວຍເປີດທໍ່ສົ່ງນ້ຳມັນ Druzhba ຄືນໃໝ່ໃນສະພາບການແຫຼ່ງສະໜອງນ້ຳມັນຜ່ານທໍ່ສົ່ງນ້ຳມັນໄປຜ່ານ ຢູແກຼນ ພວມຖືກຢຸດສະງັກ.         ໃນຈົດໝາຍຝາກເຖິງທ່ານ Volodymyr Zelensky ປະທານາທິບໍດີ ຢູແກຼນ , ທ່ານນາງ Ursula von der Leyen ແລະ ທ່ານ Antonio Costa ປະທານສະພາເອີຣົບ  ສະແດງຄວາມຫວັງຕໍ່ເລື່ອງສ້ອມແປງທໍ່ສົ່ງນ້ຳມັນຢ່າງວ່ອງໄວ ຈະຊ່ວຍ EU ຊຸກຍູ້ວິວັດທະນາການຮັບຮອງເອົາບ້ວງເງິນກູ້ຢືມ ແລະ ມາດຕະການລົງໂທດ ໂດຍໄວ.         ໃນແຈ້ງການທີ່ໄດ້ປະກາດພ້ອມກັບຈົດໝາຍ ແລະ ຄຳຕອບກັບຈາກຝ່າຍ ຢູແກຼນ, ທ່ານນາງ von der Leyen  ຢັ້ງຢືນວ່າ EU ໄດ້ສະເໜີໜູນຊ່ວຍດ້ານເຕັກນິກ ແລະ ການເງິນໃຫ້ແກ່ Kiev, ພ້ອມທັງເນັ້ນໜັກວ່າ ບັນດານັກຊ່ຽວຊານ ເອີຣົບ ກຽມພ້ອມເຂົ້າຮ່ວມຢ່າງທັນທີ. ຝ່າຍ ຢູແກຼນ ສະແດງຄວາມຊົມເຊີຍ ແລະ ຍອມຮັບຂໍ້ສະເໜີນີ້.