ເພື່ອແບ່ງປັນບັນດາຂໍ້ມູນທີ່ກອງປະຊຸມຄັ້ງທີ 27 ບັນດາຝ່າຍເຂົ້າຮ່ວມສົນທິສັນຍາແມ່ຂອງສະຫະປະຊາຊາດ ກ່ຽວກັບການປ່ຽນແປງຂອງດິນຟ້າອາກາດ (COP27) ເຊິ່ງຫາກໍ່ຈັດຂຶ້ນຢູ່ Sharm El Sheihk, ປະເທດ ອີຢິບ. ຕອນບ່າຍວັນທີ 21 ພະຈິກ, ຢູ່ ຮ່າໂນ້ຍ, ອົງການຂໍ້ລິເລີ່ມກ່ຽວກັບການຫັນປ່ຽນພະລັງງານ ຫວຽດນາມ ໄດ້ຈັດວາລະແບ່ງປັນກ່ຽວກັບ “ການຮັບຮູ້ຈາກ COP 27 ແລະ ເນື້ອໃນຄວາມໝາຍກ່ຽວກັນນະໂຍບາຍປົກປ້ອງອາກາດຂອງ ຫວຽດນາມ”.         ທ່ານນາງ ໂງໂຕຍຽນ, ຫົວໜ້າບໍລິຫານອົງການຂໍ້ລິເລີ່ມກ່ຽວກັບການຫັນປ່ຽນພະລັງງານ ຫວຽດນາມ, ໃຫ້ຮູ້ວ່າ ກອງປະຊຸມ COP 27 ໄດ້ຈັດຂຶ້ນແຕ່ວັນທີ 06-18 ພະຈິກ ໄດ້ໃຫ້ບຸລິມະສິດກ່ຽວກັບການຮັບມື, ແກ້ໄຂຄວາມເສຍຫາຍ, ຍົກສູງລັກສະນະຄວາມເປັນໄປໄດ້ໃນການຜັນຂະຫຍາຍບັນດາເປົ້າໝາຍປົກປ້ອງຂອງແຕ່ລະປະເທດ, ພ້ອມທັງເອົາໃຈໃສ່ເປັນພິເສດເຖິງຄວາມຫຍຸ້ງຍາກ ເຊິ່ງບັນດາປະເທດພວມພັດທະນາຄື ຫວຽດນາມ ຕ້ອງປະເຊີນໜ້າ. ທ່ານນາງ ໂງໂຕຍຽນ ເນັ້ນໜັກວ່າ, ການຊົດເຊີຍຄວາມເສຍຫາຍແມ່ນໝາກຜົນພົ້ນເດັ່ນທີ່ສຸດຢູ່ COP 27.