ພາບປະກອບ:internet (vovworld) - ວັນ​ທີ 7/12, ຍີ່​ປຸ້ນ ​ແລະ ລັດ​ເຊຍ ​ໄດ້​ຕົກລົງ​ຮ່ວມ​ມື​ຢ່າງ​ແຫນ້ນ​ແຟ້ນ​ເພື່ອ​ຮັບ​ມື ກັບ​ເລື່ອງ ສປປ ​ເກົາຫລີ ຄາດ​ວ່າ​ຈະຍິງ​ດາວ​ທຽມ​ໃນ​ເວລາ​ແຕ່​ວັນ​ທີ 10 - 22/12 ຈະ​ມາ​ເຖິງ ຊຶ່ງ​ແມ່ນ​ການ​ກະທຳ​ທີ່ເຮັ​ດ​ໃຫ້​ຫລາຍ​ປະ​ເທດ​ຖື​ວ່າ​ແມ່ນ​ການ​ຍິງ​ທົດ​ລອງ​ລູກ​ສອນ​ໄຟ​ໄລຍະ​ໄກ. ​ໃນ​ວັນ​ດຽວ​ກັນ, ກະຊວງ​ການ​ຕ່າງປະ​ເທດ ຍີ່​ປຸ່ນ ​ໃຫ້​ຮູ້​ວ່າ: ທ່ານ Shinsuke Sugiyama ຫົວຫນ້າ​ກົມ​ອາ​ຊີ - ທະວີບ​ໂອ​ເຊ​ອາ​ນີ ​ໄດ້​​ໂອ້​ລົມ​ທາງ​ໂທລະສັບ​ກັບ​ທ່ານ Igo Morgulov ຮອງ​ລັດຖະມົນຕີ​ການ​ຕ່າງປະ​ເທດ ລັດ​ເຊຍ ກ່ຽວ​ກັບ​ບັນຫາ​ດັ່ງກ່າວ. ທ່ານ Sugiyama ຊີ້​ແຈງວ່າ ຫລັກໝັ້ນ​ຂອງ​ຍີ່​ປຸ່ນ ​ແມ່ນ​ຮຽກຮ້ອງ​ພຽງ​ຢາງ​ປະລະ​ແຜນການ​ຍິງ​ດາວ​ທຽມ. ສ່ວນ​ລັດ​ເຊຍ ​​ໄດ້​ຮຽກຮ້ອງ ສປປ ​ເກົາຫລີ ພິຈາລະນາ​ຄືນ​ຂໍ້​ຕົກລົງ​ຍິງ​ທົດ​ລອງ​ລູກ​ສອນ​ໄຟ ​ແລະ ​ເນັ້ນ​ຫນັກ​ວ່າ ລັດ​ເຊຍ ພ້ອມ​ແລ້ວ​ພ້ອມ​ກັບ​ບັນດາ​ຄູ່​​ເຈລະຈາ​ໃນ​ການ​ເຈ​ລະ​ຈາ 6 ຝ່າຍ ສືບ​ຕໍ່​ມານະ​ພະຍາຍາມ​ແກ້​ໄຂ​ບັນດາ​ບັນຫາ​ຢູ່​ໃນ​ແຫລມ​ເກົາຫລີ.