ຕອນເຊົ້າວັນທີ 08 ພະຈິກ, ທ່ານ ເຈິ່ນແທັງ​ເໝີນ, ປະທານສະພາແຫ່ງຊາດ ຫວຽດ​ນາມ ໄດ້ເຂົ້າຮ່ວມພິທີເປີດນຳ​ໃຊ້ເສັ້ນທາງປະຕິວັດ ເຕິນຈ່າວ - ຈຸງອຽນ ແລະ ກິດ​ຈະ​ກຳ​ຫໍ​ພິ​ພິ​ຕະ​ພັນ ATK ເຕິນຈ່າວ ຂຶ້ນ​ກັບ​ເຂດ​ປູ​ຊະ​ນີ​ຍະ​ສະ​ຖານ​​ປະ​ຫວັດ​ສາດແຫ່ງ​ຊາດພິເສດ ເຕິນຈ່າວ, ​ຕາ​ແສງ ເຕິນຈ່າວ, ແຂວງ ຕວຽນກວາງ.

ເຫດການຖືກ​ຈັດ​ຂຶ້​ນ​ກົງ​ກັບ​ໂອ​ກາດ​ສະ​ເຫຼີມ​ສະ​ຫຼອງ 80 ປີແຫ່ງວັນສະພາແຫ່ງຊາດຮອບ​ຮອງ​ເອົາ​ລັດຖະທຳມະນູນສະບັບທຳອິດ (09 ພະຈິກ 1946 - 09 ພະຈິກ 2026), ຕອບສະໜອງວັນກົດໝາຍ ຫວຽດນາມ (09 ພະຈິກ), ມຸ່ງ​ໄປ​ເຖິງ​ພິ​ທີ​ສະ​ເຫຼີມ​ສະ​ຫຼອງ 81 ປີ ​ແຫ່ງວັນເລືອກຕັ້ງທົ່ວປະເທດຄັ້ງທຳອິດ ເລືອກຕັ້ງສະພາແຫ່ງຊາດ ຫວຽດນາມ (06 ມັງກອນ 1946 - 06 ມັງກອນ 2027) ແລະ ຂ່ຳນັບຮັບຕ້ອນ 195 ປີ ແຫ່ງ​ວັນສ້າງຕັ້ງແຂວງ ຕວຽນກວາງ (04 ພະຈິກ 1831 - 04 ພະຈິກ 2026).

ເສັ້ນທາງປະຕິວັດ ເຕິນຈ່າວ - ຈຸງອຽນ ມີຄວາມຍາວ 9,2 ກິໂລແມັດ ເລີ່ມກໍ່ສ້າງໃນເດືອນ ທັນວາ 2025 ແລະ ສຳເລັດໃນເວລາເກືອບ 11 ເດືອນ. ເລື່ອງເປີດເສັ້ນທາງບໍ່ພຽງແຕ່ມີຄວາມໝາຍປະຫວັດສາດເທົ່ານັ້ນ, ຫາກຍັງ​ປະ​ກອບ​ສ່ວນ​ເຂົ້າໃນການກໍ່ສ້າງສຳເລັດພື້ນຖານໂຄງລ່າງ​, ເຊື່ອມຕໍ່ເຂດ​ປູ​ຊະ​ນີ​ຍະ​ສະ​ຖານປະຫວັດສາດ ແລະ ເປີດ​ພື້ນ​ທີ່ພັດທະນາໃໝ່ໃຫ້ແກ່ເຂດຖານທີ່ໝັ້ນການປະຕິວັດ ATK (ເຂດປອດໄພ)ອີກ​ດ້ວຍ.