13.4--FM sang--8-TT Nga_0.jpg ທ່ານ Vladimir Putin, ​ປະ​ທາ​ນາ​ທິ​ບໍ​ດີ ລັດ​ເຊຍ ແລະ ທ່ານ Masoud Pezeshkian, ປະ​ທາ​ນາ​ທິ​ບໍ​ດີ ອີ​ຣານ (ພາບ​ປະ​ກອບ: REUTERS/Evgenia Novozhenina)         ວັນ​ທີ 12 ເມ​ສາ, ທ່ານ Vladimir Putin, ​ປະ​ທາ​ນາ​ທິ​ບໍ​ດີ ລັດ​ເຊຍ ແລະ ທ່ານ Masoud Pezeshkian, ປະ​ທາ​ນາ​ທິ​ບໍ​ດີ ອີ​ຣານ ມີ​ການ​ໂອ້​ລົມ​ທາງ​ໂທ​ລະ​ສັບ, ແລກ​ປ່ຽນ​ກ່ຽວ​ກັບ​ສະ​ພາບ​ການ​ຢູ່​ຕາ​ເວັນ​ອອກ​ກາງ ແລະ ເນ​ັ້​ນ​ໜັກ​ເຖິງ​ຄວາມ​ສຳ​ຄັນ​ຂອງ​ເລື່ອງ ຊຸກ​ຍູ້​ມາດ​ຕະ​ການ​ດ້ານ​ການ​ເມືອງ - ການ​ທູດ ເພື່ອ​ແນ​ໃສ່​ແກ້​ໄຂ​ການ​ປະ​ທະ​ກັນ​ຢູ່​ພາກ​ພື້ນ. 2 ຝ່າຍ​ຢືນ​ຢັນ​ຄືນ​ໃໝ່​ຄວາມ​ປາດ​ຖະ​ໜາ​ຢາກ​ເພີ່ມ​ທະ​ວີ​ການ​ພົວ​ພັນ 2 ຝ່າຍ ລັດ​ເຊຍ - ອີ​ຣານ ຫຼາຍກວ່າ.         ວັງ Kremlin ໃຫ້​ຮູ້​ວ່າ ທ່ານ​ປະ​ທາ​ນາ​ທິ​ບໍ​ດີ ອີ​ຣານ ໄດ້​ແບ່ງ​ປັນ​ການ​ຕີ​ລາ​ຄາ​ຈຳ​ນວນ​ໜຶ່ງ​ກ່ຽວ​ກັບ​ການ​ເຈ​ລະ​ຈາ​ລະ​ຫວ່າງ ອີ​ຣານ - ອາ​ເມ​ລິ​ກາ ໃນ​ວັນ​ທີ 11 ເມ​ສາ ຢູ່ ປາ​ກິດ​ສະ​ຖານ; ພ້ອມ​ກັນ​ນັ້ນ ກໍ່​ຮັບ​ຮູ້​ຫຼັກ​ໝັ້ນ​ຂອງ ລັດ​ເຊຍ ຢູ່​ບັນ​ດາ​ເວ​ທີ​ປາ​ໄສ​ສາ​ກົນ​ໃນ​ການ​ຊຸກ​ຍູ້​ການ​ຫຼຸດ​ຜ່ອນ​ຄວາມ​ເຄັ່ງ​ຕຶງ. ທ່ານ Masoud Pezeshkian ກໍ່​ຂອບ​ໃຈ ລັດ​ເຊຍ ກ່ຽວ​ກັບ​ການ​ໜູນ​ຊ່ວຍ​ມະ​ນຸດ​ສະ​ທຳ​ໃຫ້​ແກ່​ປະ​ຊາ​ຊົນ ອີ​ຣານ.         ກ່​ຽວ​ກັບ​ຝ່າຍ ລັດ​ເຊຍ, ທ່ານ​ປະ​ທາ​ນາ​ທິ​ບໍ​ດີ Vladimir Putin ຢືນ​ຢັນ​ວ່າ ປະ​ເທດນີ້​ພ້ອມ​ແລ້ວ​ທີ່​ຈະ​ມ​າ​ນະ​ພະ​ຍາ​ຍາມ​ຊອກ​ຫາ​ມາດ​ຕະ​ການ​ດ້ານ​ການ​ເມືອງ - ການ​ທູດ, ມຸ​່ງ​ໄປ​ເຖິງ​ພື້​ນ​ຖານ​ສັນ​ຕິ​ພາບ​ຢ່າງ​ຍຸ​ຕິ​ທຳ ແລະ ຍືນ​ຍົງຢູ່​ຕາ​ເວັນ​ອອກ​ກາງ.