“ ຮະລອງ ແລະ ກາດບ່າ ແມ່ນ 2 ສະຖານທີ່ທ່ອງທ່ຽວທີ່ລືຊື່ຂອງ ຫວຽດນາມ . ເມື່ອຂ້າພະເຈົ້າໄປທ່ຽວຢູ່ 2 ແຫ່ງດັ່ງກ່າວ ແລ້ວໂພສຮູບລົງເຟດບຸກ , ມີໝູ່ຄົນລາວ , ຄົນໄທ ຫຼາຍຄົນໄດ້ເຂົ້າໄປຄອມເມັ້ນວ່າ ທິວທັດທຳມະຊາດຢູ່ນີ້ງາມຫຼາຍ ແລະ ຂໍຂໍ້ມູນເພື່ອໄປຄົ້ນຫານຳ .” ທ່ານຜູ້ຟັງທີ່ເຄົາລົບ, ນີ້ແມ່ນຄຳແບ່ງປັນຂອງເພື່ອນ ຈັນທິມາ ຢູ່ນະຄອນຫຼວງ ວຽງຈັນ ທີ່ໄດ້ຝາກມາລາຍການ ພາຍຫຼັງທີ່ເພື່ອນຮັບຊົມພາບສາລະຄະດີທີ່ມີຫົວຂໍ້ “ອ່າວ ຮະລອງ - ໝູ່ເກາະ ກາດບ່າ: ມໍລະດົກທຳມະຊາດໂລກ ແຫ່ງທຳອິດທີ່ເຊື່ອມຕໍ່ແຂວງ - ນະຄອນ ຂອງ ຫວຽດນາມ ໂດຍໄດ້ຮັບການຮັບຮອງຈາກອົງການ UNESCO”.