(VOVWORLD) - ແຕ່ວັນທີ 9 – 12 ພະຈິກ ຜ່ານມາ, ຢູ່ພະລາດຊະວັງທັງລອງ, ຮ່າໂນ້ຍ, ມີຫຼາຍກິດຈະກຳໄດ້ຈັດຂຶ້ນຢ່າງຄຶກຄື້ນມ່ວນຊື່ນ ໃນຂອບເຂດ Festival ອະນຸລັກຮັກສາ ແລະ ພັດທະນາໝູ່ບ້ານອາຊີບ ຫວຽດນາມ ປີ 2023. ເຫດການດັ່ງກ່າວໂດຍກະຊວງກະສິກຳ ແລະ ພັດທະນາຊົນນະບົດ ຫວຽດນາມ ສົມທົບກັບ ຄະນະກຳມະການປະຊາຊົນນະຄອນ ຮ່າໂນ້ຍ ຈັດຂຶ້ນເປັນຄັ້ງທຳອິດ. ນີ້ແມ່ນໂອກາດເພື່ອໃຫ້ບັນດາໝູ່ບ້ານອາຊີບຫັດຖະກຳຂອງ ນະຄອນຫຼວງ ໄດ້ໂຄສະນາ, ແນະນຳບັນດາຜະລິດຕະພັນຫັດຖະກຳຂອງຕົນຕໍ່ຜູ້ບໍລິໂພກທັງຢູ່ພາຍໃນ ແລະ ຕ່າງປະເທດຫຼາຍກວ່າອີກ.