អគ្គលេខាបក្ស ប្រធានរដ្ឋចិន លោក Xi Jinping អញ្ជើញថ្លែងសុន្ទរកថានៅទីលាន Tiananmen។ (រូបថត៖ BBC)

នាព្រឹកថ្ងៃទី១ ខែកក្កដា នៅទីលាន Tiananmen រដ្ឋធានីប៉េកាំង ពិធីរំលឹកខួប ១០០ឆ្នាំទិវាបង្កើតបក្សកុម្មុយនិស្តចិន (១ កក្កដា ឆ្នាំ១៩២១ - ១ កក្កដា ឆ្នាំ ២០២១) បានប្រារព្ធធ្វើឡើងយ៉ាងឱឡារិក ដោយមានការចូលរួមរបស់អគ្គលេខានៃ គណៈកម្មាធិការមជ្ឈឹមបក្សកុម្មុយនិស្តចិន ប្រធានរដ្ឋ ប្រធានគណៈកម្មាធិការយោធា មជ្ឈឹមចិន លោក Xi Jinping រួមជាមួយថ្នាក់ដឹកនាំបក្ស រដ្ឋចិន និងភ្ញៀវកិត្តិយសអន្តរ ជាតិយ៉ាងច្រើនកុះករ។ នៅពិធីនេះ លោកអគ្គលេខាបក្ស Xi Jinping បានអញ្ជើញថ្លែង សុន្ទរកថាដ៏សំខាន់ ក្នុងនោះរំលេចរាល់សមិទ្ធផលក្នុងសតវត្សរ៍កន្លងទៅរបស់បក្ស កុម្មុយនិស្តចិន។

លោកអគ្គលេខាបក្ស Xi Jinping បានបញ្ជាក់ថា ចិនបានសម្រេចរួចរាល់គោល ដៅ១០០ឆ្នាំទីមួយ ដែលជាការកសាងសង្គមសម្បូរធូធារគ្រប់ជ្រុងជ្រោយ ហើយកំពុង បោះជំហានឆ្ពោះទៅកាន់គោលដៅ ១០០ ឆ្នាំទីពីរ គឺកសាងចិនក្លាយទៅជាប្រទេស សង្គមនិយមដ៏ទំនើបលើគ្រប់វិស័យទាំងអស់។ លោកអគ្គលេខាបក្ស Xi Jinping បាន សង្កត់ធ្ងន់ថា បក្សកុម្មុយនិស្តចិននឹងបន្តប្រកាន់ខ្ជាប់នូវលទ្ធិម៉ាក់ស៊ីសនិយម ព្រម ទាំងបន្តអភិវឌ្ឍលទ្ធិម៉ាក់ស៊ីសនិយមនេះតាមលក្ខខណ្ឌដ៏ជាក់លាក់របស់ប្រទេសចិនដ៏ទំនើបក្នុងសតវត្សរ៍ទី២១៕