ទំនាក់ទំនងសាមគ្គីភាពសហប្រតិបត្តិការវៀតណាមគុយបាបន្តបានពង្រឹងនិងអភិវឌ្ឍន៍លើគ្រប់វិស័យ (vietnamplus.vn)         Vovworld-ទទួលសេចក្តីអញ្ចើញរបស់ក្រសួងការបរទេសវៀតណាម សមាជិក​ការិយាល័យនយោបាយនិងជារដ្ឋមន្ត្រីការបរទេសគុយបាលោក Bruno Rodriguez Parrilla បានទៅបំពេញទស្សនកិច្ចជាផ្លូវការនៅវៀតណាមចាប់ពីថ្ងៃទី៩ដល់ទី​១២ ​កញ្ញា។ នាព្រឹកថ្ងៃទី១០កញ្ញា នៅទីស្ដីការក្រសួងការបរទេស រដ្ឋមន្ត្រីការបរទេស ​គុយបា​លោក Bruno Rodriguez Parrilla បានជួបចរចារជាមួយឧបនាយករដ្ឋមន្ត្រី​និងជារដ្ឋមន្ត្រីការបរទេសវៀតណាមលោក Pham Binh Minh។ នៅការចរចារ ភាគី ទាំងពីរបានផ្លាស់ប្តូរវិធានការជំរុញទំនាក់ទំនងសាមគ្គីភាពនិងសហប្រតិបត្តិការលើ គ្រប់វិស័យរវាងរដ្ឋទាំងពីរនិងក្រសួងការបរទេសទាំងពីរក៏ដូចជាចែករំលែក​ទស្សនៈ អំពីបញ្ហាដំបន់និងអន្តរជាតិដែលភាគីទាំងពីរយកចិត្តទុកដាក់ដូចគ្នា។ ភាគី​ទាំងពីរ បានឯកភាពវាយតំលៃទំនាក់ទំនងសាមគ្គីភាពនិងសហប្រតិបត្តិការជាភាតរៈ​រវាង វៀតណាម-គុយបាក្នុងរយៈពេលកន្លងមកបន្តបានពង្រឹងនិងអភិវឌ្ឍន៍លើ​គ្រប់​វិស័យ លេចធ្លោគឺលទ្ធផលដែលទទួលបានក្នុងដំណើរទស្សនកិច្ចជាផ្លូវការនៅគុយបា​របស់ នាយករដ្ឋមន្ត្រីវៀតណាមលោក Nguyen Tan Dung នាខែមិនាឆ្នាំ២០១៤។ ភាគីទាំងពីរ ក៏បានផ្លាស់ប្តូរនិងឯកភាពរៀបចំក្នុងឆ្នាំ២០១៥បណ្ដាសកម្មភាពរំលឹកខួបអនុស្សាវរីយ៍ លើកទី៥៥នៃទិវាបង្កើតទំនាក់ទំនងការទូតរវាងប្រទេសទាំងពីរ(ទី២ធ្នូ)តាមរយៈនោះ រឹតបន្តឹងបន្ថែមចំណងសាមគ្គីភាពនិងមិត្តភាពជាប្រពៃណីរវាងប្រជាជនវៀតណាម និងគុយបា៕