ឯកអគ្គរដ្ឋទូតរបស់វៀតណាមប្រចាំនៅ អ.ស.ប. លោក Le Hoai Tung (Image: VOV World) (VOVworld) – នាថ្ងៃទី ២ មិថុនា ឯកអគ្គរដ្ឋទូតរបស់វៀតណាមប្រចាំនៅ អ.ស.ប. លោក Le Hoai Tung បានជួបធ្វើការជាមួយអគ្គលេខាធិការរងនៃ អ.ស.ប. ទទួល បន្ទុក បណ្ដាបញ្ហានយោបាយ លោក Jeffrey Feltman នៅទីក្រុង New York អាមេរិក ដើម្បី បន្តជូនដំណឹងឲ្យ អ.ស.ប. អំពីបំរែបំរួលថ្មីបំផុតដែលទាក់ទិនដល់ការដែល ចិនដោយ ឯកតោភាគីដាក់ស្ថានីយ៍ខួង Haiyan Shiyou ៩៨១ ខុសច្បាប់នៅតំបន់ សេដ្ឋកិច្ចផ្តាច់មុខនិងតំបន់ខ្ពង់រាបបាតសមុទ្ររបស់វៀតណាមលើសមុទ្រខាង កើត។ ឯកអគ្គរដ្ឋទូត Le Hoai Trung ប្រឆាំងជំទាស់ទង្វើបង្ករឿងហេតុពោលខាង លើរបស់ចិន ក៏ដូចជា ការដែល ចិនបន្តបញ្ជូននាវាការពារក្នុងនោះមាននាវា យោធានិងយន្តហោះទៅធ្វើសកម្មភាពនៅទីកន្លែងដាក់ស្ថានីយ៍ខួង Haiyan Shiyou ៩៨១ ខុសច្បាប់។ ឯកអគ្គរដ្ឋទូតវៀតណាមក៏បានជូនដំណឹងដល់អគ្គលេខាធិការ រងរបស់ អ.ស.ប. អំពី ការដែលបណ្ដានាវារបស់ចិនបានមានរចនាបុកគមរាម កំហែងទៅលើនាវាស៊ីវិលរបស់ វៀតណាម។ ទន្ទឹមនឹងនោះ ឯកអគ្គរដ្ឋទូត Le Hoai Trung បានស្នើឲ្យ អ.ស.ប. រួមជាមួយសហគមន៍អន្តរជាតិបន្តយកចិត្តទុក ដាក់គាំទ្របណ្ដាសំណើរសុឆ័ន្ទៈរបស់ វៀតណាម ព្រមទាំងអំពាវនាវឲ្យភាគី ចិនមិនអនុវត្តអំពើដោយឯកតោភាគីនិងប្រើប្រាស់អំពើហឹង្សារដែលធ្វើឲ្យភាព តានតឹងឡើងជណ្តើរ។ អគ្គលេខាធិការរងរបស់ អ.ស.ប. លោក Jeffrey Feltman បានសម្តែងការព្រួយបារម្ភ ចំពោះភាពតានតឹងនៅសមុទ្រខាងកើត ព្រមទាំង អំពាវនាវឲ្យភាគីទាក់ទិននានា ត្រូវ អត់ធ្មត់ ដោះស្រាយជំលោះដោយសន្តិវិធីសមស្របនឹងធម្មនុញ្ញរបស់ អ .ស.ប. និងច្បាប់អន្តរជាតិ៕