ហាណូយយកចិត្តទុកដាក់បើកទូលាយឱកាសវិនិយោគសំរាប់ជនវៀតណាមនៅឯបរទេស (VOV)_នាព្រឹកថ្ងៃទី២៩ ធ្នូ នៅទីក្រុងហាណូយ បានប្រព្រឹត្តទៅជំនួប​ប្រាស្រ័យ ​អង្គភាពអាជីវកម្ម អាជីវករជាជនវៀតណាមនៅឯបរទេស។ នៅទីនេះ អនុប្រធាន​ គណកម្មាធិការប្រជាជនទីក្រុងហាណូយ លោក Le Hong Son បាន​ជូនដំណឹង​ចំ ពោះបណ្ដាអាណិកជន អំពីសមិទ្ធិផលរបស់ទីក្រុង ទទួលបានក្នុងឆ្នាំ ២០១៥៖​តាម​ នោះ​ ការប្រមូលផ្តុំថវិកាក្នុងតំបន់ទទួលបាន ១៤៦ ពាន់លានដុង ​ទទួលបាន​ ១០៣,៥% ​គំរោង ជីវងភាពរស់នៅរបស់ប្រជាជនត្រូវបានលើកស្ទួយជាបន្តបន្ទាប់  ទំ​នាក់​ទំនងការទូតត្រូវបានបើកទូលាយ កិត្យានុភាពរបស់វៀត​ណាមនិងទីក្រុង​ ហា​ណូយ​លើឆាកអន្តរជាតិ ត្រូវបានលើកកំបស់ពីមួយថ្ងៃទៅ​មួយថ្ងៃ។ ទុនវិនិ យោគសរុប​ក្នុងតំបន់ ក្នុងដំណាក់កាល ២០១១-២០១៥ ​ទទួលបាន ១ ៥០០  ពាន់លានដុង ដែល​ក្នុងនោះ ការវិនិយោគពីបរទេសដើរ​តួនាទីដ៏សែនសំខាន់។  ទទួលបានសមិទ្ធិផលទាំង​នេះ មិនអាចមិននិយាយដល់ការរួមកម្លាំងកាយចិត្ត របស់ជនវៀតណាមនៅក្នុងនិងក្រៅប្រទេស។ បក្ស រដ្ឋ ​និយាយរួម និងទីក្រុង ហាណូយ និយាយដោយឡែក ​បានអះ​អាង​ថា៖​ជនវៀតណាមនៅឯបរទេស  ជាផ្នែកមួយមិនអាចកាត់ផ្តាច់ចេញពីសហគមន៍​បណ្ដាជនជាតិវៀតណាមបានឡើយ៕