ជនដៃដល់ធ្វើឃាតឯកអគ្គរដ្ឋទូតរុស្ស៊ីគឺជាសមាជិកនៃបណ្តាញ Gulen (VNA) (VOVworld) – នាថ្ងៃទី ២១ ធ្នូ ប្រធានាធិបតីទួរគី លោក Recep Tayyip Erdogan បាន ឲ្យដឹងថា៖ ជនដៃដល់ដែលបានធ្វើឃាតឯកអគ្គរដ្ឋទូតរុស្ស៊ីប្រចាំនៅទីក្រុង​ Ankara លោក  Andrei Karlov គឺជាសមាជិកនៃបណ្តាញរបស់បុព្វជិក Fethullah Gulen មនុស្សដែលត្រូវបាន Ankara ចោទប្រកាន់ជាមេគំនិតក្នុងការធ្វើរដ្ឋប្រហារ បរាជ័យនៅ ទួរគីនាខែកក្កដាកន្លងទៅ។ ទាក់ទិនដល់ទំនាក់ទំនងរវាងរុស្ស៊ីនិង ទួរគី ក្នុងបទសម្ភាស ជាមួយទីភ្នាក់ងារសារព័ត៌មាន Sputnik នាថ្ងៃទី​ ២១ អ្នកវិទ្យា សាស្ត្រនយោបាយ លោក Erel Tellyal បានបញ្ជាក់ថា៖ ទួរគីនិងរុស្ស៊ីនឹងបង្កើន កិច្ចសហប្រតិបត្តិការក្នុងប្រយុទ្ធ ប្រឆាំងនឹងភេរវកម្ម។ លោកបានសង្កត់ធ្ងន់ ថា៖ ក្នុងកិច្ចប្រជុំនៅទីក្រុងម៉ូស្គូ រដ្ឋមន្ត្រីការ បរទេសរបស់ទួរគីរុស្ស៊ីនិងអ៊ីរ៉ង់ បានពិភាក្សាអំពីយន្តការសហប្រតិបត្តិការត្រីភាគី ស្តីពីបញ្ហានៅស៊ីរី។​ ភាគី ទួរគីបានសម្តែងឆ័ន្ទៈប្តេជ្ញាជំរុញយ៉ាងខ្លាំងកិច្ចសហប្រតិបត្តិ ការ។ បន្ទាប់ពី រឿងហេតុ ឯកអគ្គរដ្ឋទូតរុស្ស៊ីត្រូវបានធ្វើឃាត គណៈកម្មាធិករចម្រុះរវាងទួរគី និងរុស្ស៊ីត្រូវបានបង្កើតឡើងដើម្បីធ្វើការស៊ើបអង្កេត។ រុស្ស៊ីនិងទួរគីនឹងសហ ប្រតិ បត្តិការជិតស្និទ្ធថែមទៀតលើវិស័យប្រឆាំងភេរវកម្ម។ ហេតុនេះ អាចនិយាយ  បានថា អានុភាពដែលឈរនៅខាងក្រោយរាល់ឧបាយកលនេះ មិនសម្រេច បានគោលដៅរបស់ខ្លួនទេ៕