លោកនាយករដ្ឋមន្រ្តី Pham Minh Chinh អញ្ជើញដឹកនាំកិច្ចប្រជុំ។ (រូបថត៖ VGP)

ថ្លែងមតិបើកកិច្ចប្រជុំ លោកនាយករដ្ឋមន្រ្តី Pham Minh Chinh បានអះអាងថា កិច្ចប្រជុំលើកនេះមានអត្ថន័យដ៏សំខាន់ ដោយវាយតម្លៃពីស្ថានភាពសេដ្ឋកិច្ចសង្គម ការងារប្រតិបត្តិរបស់រដ្ឋាភិបាលក្នុងអំឡុងពេល៦ខែដើមឆ្នាំ២០២១ ហើយពិភាក្សា ពីភារកិច្ច ដំណោះស្រាយសម្រាប់រយៈពេល៦ខែចុងឆ្នាំ។ ទន្ទឹមនឹងនោះ អង្គប្រជុំ ពិភាក្សាពិបញ្ហាសំខាន់និងចាំបាច់បន្ទាន់ផ្សេងៗទៀតនាបច្ចុប្បន្នដូចជា ការបង្ការ ប្រយុទ្ធប្រឆាំងជម្ងឺរាតត្បាតកូវីដ ១៩ ការដោះស្រាយការលំបាកដើម្បីជំរុញផលិតកម្ម អាជីវកម្ម ជាដើម។

គួរបញ្ជាក់ថា ក្នុងអំឡុងពេល៦ខែកន្លងមក ទន្ទឹមនឹងការងារបង្ការទប់ស្កាត់ជម្ងឺ រាតត្បាតកូវីដ ១៩ រដ្ឋាភិបាលវៀតណាមបានម្ចាស់ការក្ដាប់ជាប់ស្ថានភាព ហើយមាន ការដឹកនាំនិងប្រតិបត្តិយ៉ាងប្ដូរផ្ដាច់ មានលក្ខណៈច្នៃប្រឌិត បត់បែន និងទាន់ពេល វេលាក្នុងការអភិវឌ្ឍសេដ្ឋកិច្ចសង្គម រួមជាមួយការខិតខំប្រឹងប្រែងនៃប្រព័ន្ធនយោបាយ ទាំងមូល សហគមន៍សហគ្រាសនិងប្រជាជនលើទូទាំងប្រទេស ដើម្បីបន្តថែរក្សាស្ថិរ ភាពសេដ្ឋកិច្ចសង្គម ហើយសម្រេចបានលទ្ធផលវិជ្ជមានជាច្រើនផងដែរ៕