កិច្ចសន្ទនាអំពី សមុទ្រលើកទី៧ តាមប្រព័ន្ធវីដេអូក្រោមប្រធានបទ “វាយតម្លៃពីបញ្ហាសមុទ្រនានា ដែលកំពុងលេចចេញពីជ្រុងជ្រោយនៃច្បាប់អន្តរជាតិ”។ (រូបថត៖ baoquocte.vn)

នាថ្ងៃទី១៩ ខែសីហា វិទ្យាស្ថានការទូតវៀតណាម សហការជាមួយស្ថានទូត អង់គ្លេសនិងមូលនិធិ KAS របស់អាល្លឺម៉ង់នៅទីក្រុងហាណូយ រៀបចំកិច្ចសន្ទនាអំពី សមុទ្រលើកទី៧ តាមប្រព័ន្ធវីដេអូក្រោមប្រធានបទ “វាយតម្លៃពីបញ្ហាសមុទ្រនានា ដែលកំពុងលេចចេញពីជ្រុងជ្រោយនៃច្បាប់អន្តរជាតិ”។ កិច្ចសន្ទនាទាក់ទាញការចូលរួមរបស់ តំណាងចំនួន២៥០នាក់ដែលជាជំនាញការក្នុងប្រទេសនិងអន្តរជាតិ។ នៅកិច្ចសន្ទនា តំណាងជាច្រើនសុទ្ធតែសង្កត់ធ្ងន់ថា អនុសញ្ញា UNCLOS ឆ្នាំ១៩៨២ គឺជាមូលដ្ឋាន គ្រឹះនៃអភិបាលកិច្ចមហាសាគរ ហើយបញ្ជាក់ថា សុវត្ថិភាពនិងសេរីភាពនៅតាមខ្សែ ផ្លូវពាណិជ្ជកម្មលើសមុទ្រ គឺជាផលប្រយោជន៍ដ៏សែនសំខាន់។

អ្នកប្រាជ្ញាជាច្រើនក៏បានសម្ដែងការយកចិត្តទុកដាក់ដល់សមុទ្រខាងកើត ដែល ជាទីប្រសព្វគ្នារវាងខ្សែផ្លូវសមុទ្រសំខាន់ៗ ព្រមទាំងលើកឡើងការព្រួយបារម្ភចំពោះ ការទាមទារដ៏ហួសហេតុ ផ្ទុយទៅនឹង UNCLOS ១៩៨២និងសាលក្រមឆ្នាំ២០១៦របស់ តុលាការអាជ្ញាកណ្ដាលក្នុងករណីបណ្ដឹងសមុទ្រខាងកើត ដែលគំរាមកំហែងដល់ សេរីភាពនាវាចរណ៍នៅតំបន់សមុទ្រនេះផងដែរ។ បណ្ដាអ្នកប្រាជ្ញាបានស្នើឲ្យបន្តថែ រក្សាសណ្ដាប់ធ្នាប់មួយដោយឈរលើច្បាប់នៅតំបន់មហាសមុទ្រឥណ្ឌា-ប៉ាស៊ីហ្វិក ហើយអាស៊ានគួរតែបង្កើតទស្សនៈរួមស្ដីពីសិទ្ធិធ្វើដំណើរនៅសមុទ្រ៕