ឧបនាយករដ្ឋមន្ត្រីវៀតណាមលោក Nguyen Thien Nhan (VOV)        Vovworld-មណ្ឌលកេរ៌្តដំណែលប្រវត្តិសាស្ត្រ Lam Kinh ត្រូវបានទទួល​ស្គាល់​ ជា​កេរ៌្តដំណែលជាតិពិសេស។ ថ្លែងមតិនៅពិធីទទួលប័ណ្ណទទួលស្គាល់ដែលបាន ​ប្រព្រឹត្ត​ទៅនាថ្ងៃទី២៦កញ្ញា នៅខេត្ត Thanh Hoa  ឧបនាយករដ្ឋមន្ត្រីវៀតណាម​ លោក Nguyen Thien Nhan បានសង្កត់ធ្ងន់ថា ការដែល Lam Kinh ត្រូវបាន​រៀបចំ ណាត់ថ្នាក់ជាកេរ៌្តដំណែលជាតិពិសេស បានបង្ហាញការរំលឹកគុណរបស់​ជំនាន់ បច្ចុប្បន្នចំពោះការបូជាពលីកម្មដ៏ធំធេងរបស់បណ្ដាបុព្វបុរសក្នុងបុព្វហេតុ​ប្រឆាំង សត្រូវឈ្លានពាន ការពារឯករាជ្យបូរណភាពដែនដីនិងកសាងប្រទេស​ជាតិ។ ព្រឹត្តិការណ៍នេះ ក៏បានបង្ហាញបណ្ដាគោលការណ៍គោលនយោបាយ​របស់​បក្ស និងរដ្ឋក្នុងការអភិរក្សនិងពង្រីករាល់តំលៃបេតិកភ័ណ្ឌវប្បធម៍ប្រជាជាតិ​និយាយរួម កេរ៌្តដំណែលប្រវត្តិសាស្ត្រស្ថាប័ត្យកម្មសិល្បៈ Lam Kinh និយាយ​ដោយ​ឡែក។        ឧបនាយករដ្ឋមន្ត្រី Nguyen Thien Nhan បានជឿជាក់ថា​ក្នុងរយៈពេល​ខាង​មុខ ខេត្ត Thanh Hoa ត្រូវរួមផ្សំជិតស្និទ្ធរវាងការអភិរក្សបេតិកភ័ណ្ឌវប្បធម៍​ជាមួយ​ការ​អភិវឌ្ឍន៍សេដ្ឋកិច្ចទេសចរណ៍ បន្តអនុវត្តល្អគំរោងការស្ដារអភិរក្សនិងពង្រីកនូវ​តំលៃមណ្ឌលកេរ៌្តដំណែលប្រវត្តិសាស្ត្រជាតិពិសេស Lam Kinh៕