ប្រធានាធិបតីរុស្ស៊ី លោក Vladimir Putin។ (រូបថត៖ AFP/TTXVN)

ហេតុដូច្នេះ បើតាមលោក Putin ទីក្រុងម៉ូស្គូនឹងធ្វើការជាមួយដៃគូដែលមានបំណងចង់សហប្រតិបត្តិការជាមួយរុស្ស៊ី។

លោកប្រធានាធិបតី Putin បានលើកឡើងពីសមិទ្ធិផលជាច្រើនក្នុងវិស័យអវកាសនៅពេលដែលសហភាពសូវៀតត្រូវបានឯកោ ដោយបានសង្កត់ធ្ងន់ថា ទោះបីជាមានអ្វីៗគ្រប់យ៉ាងក៏ដោយ សហភាពសូវៀតគឺជាប្រទេសដំបូងគេដែលបាញ់បង្ហោះផ្កាយ រណបផែនដីសិប្បនិម្មិត អវកាសយានិកដំបូង និងការហោះហើរលើកដំបូងរបស់ស្ថានីយ៍អវកាសទៅកាន់ឋានព្រះច័ន្ទ ដែលជាការធ្វើដំណើរអវកាសដំបូងគេលើពីភពលោក។

មេដឹកនាំរុស្ស៊ីបានអះអាងថា ដោយមានបច្ចេកវិទ្យាទំនើបៗ រុស្ស៊ីនឹងអភិវឌ្ឍន៍កម្មវិធីអវកាសរបស់ខ្លួនរហូតដល់ឆ្នាំ ២០៣០។ ក្រៅពីនេះ លោកប្រធានាធិបតី Putin បានឲ្យដឹងថា រុស្ស៊ីនឹងសហប្រតិបត្តិការជាមួយបេឡារុស្ស ដើម្បីអនុវត្តន៍គម្រោងដ៏ធំមួយ ស្តីពីការកសាងនិងបាញ់បង្ហោះយានអវកាសពិសេសមួយ ដើម្បីស៊ើបអង្កេតផែនដី។ លោកបានឲ្យដឹងថា ទីក្រុងម៉ូស្គូនឹងបាញ់បង្ហោះយានអវកាស Luna-25 ក្នុងត្រីមាសទី៣ឆ្នាំនេះ ហើយពង្រឹងកិច្ចសហប្រតិបត្តិការជាមួយបេឡារុស្សក្នុងវិស័យបច្ចេកវិទ្យានិងហេដ្ឋារចនាសម្ព័ន្ធអវកាស សំដៅធានាឯករាជ្យរបស់ប្រទេសទាំងពីរនៅក្នុងវិស័យនេះ៕