ប្រធានរដ្ឋវៀតណាមលោក Truong Tan Sang បានបញ្ចប់ដំណើរទស្សនកិច្ចថ្នាក់រដ្ឋនៅ Tanzania (VOV)_នាថ្ងៃទី១១មិនា ប្រធានរដ្ឋវៀតណាម លោក Truong Tan Sang បាន ចាកចេញពីទីក្រុង Dar Es Salaam បញ្ចប់ដំណើរទស្សនកិច្ចថ្នាក់រដ្ឋ​សាធារណរដ្ឋឯកភាព Tanzania និងចាប់ផ្តើមដំណើរទស្សនកិច្ចថ្នាក់រដ្ឋ ​សាធារណ​រដ្ឋ Mozam bique តាមសេចក្ដីអញ្ជើញរបស់ប្រធានាធិបតី លោក​ Filipe Jacinto Nyusi ចាប់ពី ថ្ងៃទី១១ដល់ថ្ងៃទី១៣មិនា។មុននោះ ប្រធានរដ្ឋ ​លោក Truong Tan Sang មានជំនួប សន្ទនាជាមួយដំណាងអង្គភាព​អាជីវកម្ម​ធំៗ របស់ Tanzania ក្នុងវិស័យកែច្នៃ កសិផល ឧស្សាហកម្ម និងទូរគមនាគមន៍។ ​នៅទីនេះ ប្រធានរដ្ឋ បានអះអាង ថា៖ វៀតណាមត្រៀមខ្លួនជាស្រេចចែករំលែក​បទពិសោធន៍ជាមួយ Tanzania ដើម្បី ជំរុញកិច្ចសហប្រតិបត្តិការរវាងប្រទេស​ទាំងពីរ លើគ្រប់វិស័យ ប្រកបដោយប្រសិទ្ធិ ភាពនិងជាក់ស្ដែង។           ក៏ក្នុងព្រឹកថ្ងៃទី១១មិនា តាងនាមអោយរដ្ឋាភិបាលនៃប្រទេសទាំងពីរ រដ្ឋ​មន្ត្រី ក្រសួងព័ត៍មាននិងផ្សព្វផ្សាយវៀតណាម លោក Nguyen Bac Son និង​រដ្ឋមន្ត្រី​ក្រ សួងការបរទេស Tanzania Augustine Mahiga បានអញ្ជើញជាអធិបតី​សន្និសីទ​កា សែត ប្រកាសសេចក្ដីថ្លែងការណ៍រួមវៀតណាម- Tanzania។ សេចក្ដី​ថ្លែងការណ៍ នេះបានលើកច្បាស់ថា៖ វៀតណាមនិង Tanzaniaមាន​គោលបំណង​បើកទូលាយ ទំនាក់ទំនងទ្វេភាគី រវាងប្រទេសទាំងពីរ និងស្វែងរកវិស័យសហ​ប្រតិបត្តិការថ្មី នាំ ទំនាក់ទំនងរវាងប្រទេសទាំងពីរកាន់តែស៊ីជំរៅ ដើម្បី​ផលប្រយោជន៍របស់ប្រជាជន នៃប្រទេសទាំងពីរ៕