Vovworld-ជប៉ុននាថ្ងៃទី៩ធ្នូបានសម្ដែងការយល់ព្រមដោយប្រុងប្រយ័ត្នសេច ក្តី​សំរេចរបស់កូរ៉េខាងត្បូងស្ដីអំពីការបើកទូលាយដំបន់ការពារហោះហើរយោធា (ADIZ)។ ប្រធាន​ខុទ្ទកាល័យគណៈរដ្ឋមន្ត្រីជប៉ុន Yoshihide Suga បានឲ្យដឹងថា​ Seoul បាន​រាយការណ៍​ពីមុនជាមួយតូក្យូអំពីផែនការ ទន្ទឹមនឹងនោះចាត់ទុកថា ADIZ របស់​កូរ៉េ​ខាងត្បូងខុសពី ADIZ របស់ចិនដែលបានរាយការណ៍មុននោះពី ព្រោះថាមិន​ក្រប​ដណ្ដប់លើដែនអាកាស ដែនសមុទ្រនិងដែនដីរបស់ជប៉ុនឡើយ។ ប៉ុន្តែ ក្នុងប្រតិកម្មទាក់ទិនផ្សេងទៀត ចិនបានសម្ដែងការសោកស្ដាយចំពោះការ​ដែលកូរ៉េខាងត្បូងបើកទូលាយ ADIZ របស់ខ្លួន។ ថ្លែងមតិក្នុងសន្និសីទកាសែត​ ប្រចាំ អ្នកនាំពាក្យក្រសួងការបរទេសចិនលោក Hung Lei បានសង្កត់ធ្ងន់ថា ប៉េកាំង​នឹងបន្តទាក់ទងជាមួយ Seoul ដោយផ្អែកទៅលើសមភាពនិងគោរព​គ្នា​ទៅវិញទៅ មក។         រីឯខ្លួនវិញ នាថ្ងៃទី៩ធ្នូ ប្រធានាធិបតីកូរ៉េខាងត្បូងលោកស្រី Park Geun hye បានចាត់ទុកថា ការបើកទូលាយ ADIZ គឺសំដៅទៅលើការពារអតិបរិមាផល ប្រយោជន៍​ជាតិ៕