កិច្ចប្រជុំមួយរបស់ក្រុមប្រឹក្សាសន្តិសុខអ.ស.បអំពីស្ថានភាពនៅស៊ីរីកាលពីថ្ងៃទី៧ មេសា  (រូបថត៖EPA/TTXVN) (VOVworld) - នាថ្ងៃទី១១ មេសា ឯកអគ្គរដ្ឋទូតអង់គ្លេសប្រចាំនៅអ.ស.ប លោក Matthew Rycroft ឲ្យដឹងថា អង់គ្លេស បារាំងនិងអាមេរិកបានដាក់ជូនក្រុម ប្រឹក្សា សន្តិសុខអ.ស.បពង្រាងសេចក្ដីសំរេចចិត្តថ្មី តាមនោះសំណូមពរឲ្យស៊ើប អង្កេត អំពីរឿងហេតុដែលត្រូវបានចាត់ទុកថា ជាករណីវាយប្រហារដោយអាវុធគីមី នៅទីរួមខេត្ត Khan Sheikhun ខេត្ត Idlib ប្រទេសស៊ីរី។ នាថ្ងៃដដែល ប្រធានស្នងការកលយុទ្ធនៃមេបញ្ជាការដ្ឋានកងកម្លាំងប្រដាប់ អាវុធ រុស្ស៊ី ឧត្តមសេនីយ៍ទោ Sergei Rudskoy ឲ្យដឹងថា រដ្ឋអំណាចស៊ីរី ត្រៀមខ្លួនជា ស្រេចអនុញ្ញាតឲ្យអ្នកជំនាញការអន្តរជាតិមកត្រួតពិនិត្យមូលដ្ឋានសឹករបស់ស៊ីរី ដើម្បីស្វែងរកស្លាក់ស្នាមនៃអាវុធគីមី។លោករូបនេះក៏បានឲ្យដឹងថែមទៀតថា ក្រុមឧទ្ទាមកំពុងពង្រាយជាតិគីមីពុលនៅទីក្រុង Khan Shaykhun ព្រលានយន្តហោះ  Jira និងប៉ែកខាងលិចទីក្រុង Aleppo។តាមលោក Rudskoy ថា គោល ដៅនៃអំពើ នេះគឺប្រឌិតមូលហេតុផ្សេងទៀតដើម្បីចោទប្រកាន់រដ្ឋអំណាចស៊ីរីប្រើប្រាស់ អាវុធគីមី ហើយសំដៅញុះញង់ការវាយប្រហារថ្មីរបស់អាមេរិក៕