ប្រធានាធិបតីអ៊ីរ៉ង់លោក Hassan Rouhani (ខាងស្ដាំ)មានជំនួបសន្ទនាជាមួយរដ្ឋមន្រ្តីការបរទេសទួរគីលោក Mevlut Cavusoglu នៅក្រុងតេអេរ៉ង់ (រូបថត៖EPA/TTXVN) (VOVworld) – នាថ្ងៃទី២៦ វិច្ឆិកា ប្រធានាធិបតីអ៊ីរ៉ង់លោក Hassan Rouhani បាន អំពាវនាវឲ្យមានកិច្ចសហប្រតិបតិ្តការដ៏ខ្លាំងថែមទៀតរវាងប្រទេសនេះនិងទួរគី សំដៅជួយបង្កើតស្ថិរភាពនៅស៊ីរីនិងអ៊ីរ៉ាក់។ថ្លែងមតិនៅជំនួបសន្ទនាជាមួយរដ្ឋមន្រ្តី ការបរទេសទួរគីលោក Mevlut Cavusoglu នៅក្រុងតេអេរ៉ង់នោះ លោក Rouhani បាន សង្កត់ធ្ងន់ថា នាបច្ចុប្បន្ន នៅពេលតំបន់កំពុងស្ថិតនៅក្នុងដំណាក់ កាលរស៊ើបនោះ គឺការបង្កើនកិច្ចសហប្រតិបតិ្តការនិងពិគ្រោះយោបល់រវាងតេអេ រ៉ង់និងអង់ការ៉ា អាច ជួយដោះស្រាយបញ្ហានានានៅតំបន់។ប្រសិនបើមហា អំណាចនៅក្នុងតំបន់រួមគ្នា សហប្រតិបតិ្តការនោះគឺបញ្ហានៅស៊ីរីនិងអ៊ីរ៉ាក់នឹងត្រូវបានដោះស្រាយដោយមិន ត្រូវការមហាអំណាចនៅខាងក្រៅធ្វើអន្តរាគមន៍ទៀតឡើយ។ រីឯខ្លួនវិញ រដ្ឋមន្រ្តីការបរទេសលោក Cavusoglu បានស្វាគមន៍តួនាទីដែលមាន  លក្ខណៈស្ថាបនារបស់អ៊ីរ៉ង់ក្នុងសង្គ្រាមប្រឆាំងលទ្ធិភេរវកម្មនិងខំប្រឹងប្រែងដើម្បី សន្តិភាពពិភពលោក។លោកឲ្យដឹងថា ការការពារបូរណភាពដែនដីនិងរក្សាសាម គ្គីភាពជាតិនៅអ៊ីរ៉ាក់និងស៊ីរីជាផលប្រយោជន៍របស់អ៊ីរ៉ង់និងទួរគី។លោក Cavusoglu  ក៏បានអំពាវនាវឲ្យការបង្កើនទំនាក់ទំនងទ្វេភាគីរវាងអ៊ីរ៉ង់និងទួរគី ផងដែរ៕