ប្រធានរដ្ឋវៀតណាមលោក Tran Dai Quang ទទួលជួបសន្ទនាជាមួយរដ្ឋមន្ត្រី FAR ឧត្តមសេនីយ៍ឯក Leopoldo Cintra Frias (រូបថត៖VOV) (VOVworld) - នាថ្ងៃទី២៣ មិនា នៅរដ្ឋធានីហាណូយ អគ្គលេខាបក្សកុម្មុយនីស្ត វៀតណាមលោក​Nguyen Phu Trong បានអញ្ជើញទទួលជួបសន្ទនាជាមួយគណៈ ប្រតិភូជាន់ខ្ពស់នៃក្រសួងបណ្ដាកម្លាំងប្រដាប់អាវុធបដិវត្តន៍ (FAR) គុយបាដឹកនាំ ដោយឧត្តមសេនីយ៍ឯក Leopoldo Cintra Frias រដ្ឋមន្រ្តីក្រសួងបណ្ដាកម្លាំងប្រដាប់ អាវុធបដិវត្តន៍គុយបាដែលកំពុងមកបំពេញទស្សនកិច្ចមិត្តភាពនៅវៀតណាម។ អគ្គលេខាបក្សលោក Nguyen Phu Trong ជឿជាក់ថា ដំណើរទស្សនកិច្ចលើកនេះ នឹងរួមចំណែកជំរុញថែមទៀតនូវទំនាក់ទំនងមិត្តភាពប្រពៃណី សាមគ្គីភាពស្មោះ ត្រង់រវាងបក្សទាំងពីរ ប្រទេសទាំងពីរ ប្រជាជននៃប្រទេសទាំងពីរ ជាពិសេសរវាង កម្លាំងប្រដាប់អាវុធវៀតណាម-គុយបា។រីឯខ្លួនវិញ ឧត្តមសេនីយ៍ឯក Leopoldo Cintra Frias ចាត់ទុកថា រាល់សមិទ្ធិដែលវៀតណាមទទួលបានក្នុងបុព្វហេតុផ្លាស់ ប្ដូរថ្មី កសាងលទ្ធិសង្គមនិយមគឺជាបទពិសោធន៍ដ៏ថ្លៃថ្នូរដើម្បីប្រជាជនគុយបា ពិគ្រោះយោបល់ក្នុងដំណើរការអនុវត្តគោលជំហរធ្វើបច្ចុប្បន្នកម្មរូបសណ្ឋាន អភិវឌ្ឍន៍សេដ្ឋកិច្ចសង្គមកិច្ច។ នាថ្ងៃដដែល ប្រធានរដ្ឋវៀតណាមលោក Tran Dai Quang បានញ្ជើញទទួល ជួបសន្ទនាជាមួយគណៈប្រតិភូជាន់ខ្ពស់នៃក្រសួងបណ្ដាកម្លាំងប្រដាប់អាវុធ បដិវត្តន៍ (FAR) គុយបា។នៅទីនេះ លោកប្រធានរដ្ឋបានវាយតំលៃខ្ពស់ចំពោះ ទំនាក់ទំនងសហប្រតិបតិ្តការលើច្រើនវិស័យរវាង FAR ជាមួយក្រសួងការពារ ប្រទេសវៀតណាមនាពេលកន្លងទៅ ព្រមទាំងអះអាងថា នឹងបង្កលក្ខណៈងាយ ស្រួលដើម្បីទំនាក់ទំនងការពារជាតិរវាងប្រទេសទាំងពីរបន្តអភិវឌ្ឍន៍នាពេល ខាងមុខ៕