អគ្គលេខាគណៈកម្មាធិការមជ្ឈឹមបក្សកុម្មុយនិស្តវៀតណាម លោក Nguyen Phu Trong(ស្ដាំ) បានទទួលជួបសន្ទនាជាមួយនាយករដ្ឋមន្ត្រីសិង្ហបុរីលោកលីស៊ានឡុង (ឆ្វេង) (VOV)_នារលៀលថ្ងៃទី ២៣ ​មិនា នៅទីស្នាក់ការមជ្ឈឹមបក្ស អគ្គលេខា​គណៈ កម្មាធិការ​មជ្ឈឹមបក្សកុម្មុយនិស្តវៀតណាម លោក Nguyen Phu Trong បាន​ទទួលជួប សន្ទនាជាមួយនាយករដ្ឋមន្ត្រីសិង្ហបុរីលោកលីស៊ានឡុង ។ លោកអគ្គ​លេខា​បក្សបាន ស្នើឲ្យសិង្ហបុរីបង្កើនការចែករំលែកបទពិសោធន៍ បង្កលក្ខណៈ​ងាយ​​​ស្រួលចំពោះអង្គ ភាពអាជីវកម្មនៃប្រទេសទាំងពីរ ជំរុញការជួបប្រាស្រ័យ​ប្រជាជន សហប្រតិបត្តការ លើវិស័យអប់រំ និង​សហការយ៉ាង​ល្អ​នៅវេទិកា​ពហុភាគី​នៅតំបន់ និងពិភពលោក ជាពិសេសក្នុងអាស៊ាន​។ អគ្គលេខា​បក្ស​បាន​សង្កត់ធ្ងន់ថា ប្រទេសទាំងពីរត្រូវផ្ដោត សំខាន់លើការ​អនុវត្តទំនាក់ទំនង​ដៃគូយុទ្ធសាស្រ្ត​ឲ្យ​​កាន់តែស៊ីជម្រៅថែមទៀត ។ អគ្គលេខាបក្សលោក Nguyen Phu Trong មានបំណងចង់ឲ្យ​បក្សទាំងពីរបន្តកិច្ចសហ ប្រតិបត្តិការ​ជិតស្និទថែមទៀតតាមរយៈការផ្លាស់ប្ដូរដំណើរទស្សកិច្ច និងចែក​រំលែក​ បទពិសោធន៍​​ទៅវិញទៅមក ។         នាថ្ងៃដដែលនេះ នៅជំនួបសន្ទនាជាមួយនាយករដ្ឋមន្ត្រីសិង្ហបុរីលោក លី​ស៊ាន ​ឡុង ប្រធានរដ្ឋសភាលោកស្រី Nguyen Thi Kim Ngan បានអះអាងថា ទំនាក់ទំនង សហប្រតិបត្តិការរវាងរដ្ឋសភានៃប្រទេសទាំងពីរមានការអភិវឌ្ឍន៍ដ៏ល្អ​ប្រសើរ​ទាំង ទ្វេរភាគី និងពហុភាគី​។ ដូច្ចេះដំណើរទស្សនកិច្ចនៅវៀតណាម​លើក​នេះរបស់ នាយករដ្ឋមន្ត្រីសិង្ហបុរីនឹងបើកចេញនូវឱកាសសហប្រតិបត្តិការថ្មី និង​គំរោងការ ឧស្សាហកម្មថ្មីនៃប្រទេសទាំងពីរ ។ រីឯខ្លួនវិញ នាយករដ្ឋមន្ត្រី​សិង្ហបុរីលោក លីស៊ានឡុងបានចាត់ទុកថា ការជួបប្រាស្រ័យ​រវាង​ក្រុម​សមាជិក​សភា​នៃប្រទេស ទាំងពីរ នឹងជួយឲ្យសមាជិកសភាយល់ដឹងច្បាស់អំពីឱកាស ក៏ដូចជាការសាក ល្បងដើម្បីមានដំណោះស្រាយសមស្រប​។ នាយករដ្ឋមន្ត្រី​សិង្ហបុរី​មាន​បំណង ទទួលស្វាគមន៍លោកស្រី Nguyen Thi Kim Ngan អញ្ជើញទៅបំពេញទស្សនកិច្ចនៅ សិង្ហបុរីនាពេលឆាប់ៗខាងមុខ​ផងដែរ៕