ថ្នាក់ដឹកនាំអាមេរិកអង់គ្លេសអាល្លឺម៉ង់និងអ៊ីតាលីពិភាក្សាអំពីស្ថានភាពនៅអ៊ុយក្រែន (Image: VNA) (VOVworld) – នាថ្ងៃទី ៣ មិនា បណ្ដាថ្នាក់ដឹកនាំរបស់អាមេរិក អង់គ្លេស អាល្លឺម៉ង់ និងអ៊ីតាលីបានពិភាក្សារអំពីវិបត្តិនៅអ៊ុយក្រែននិងបណ្ដាបញ្ហាសន្តិសុខផ្សេងៗ ទៀតលើពិភពលោកនៅកម្មវិធីទូរទស្សន៍ផ្សាយបន្តផ្ទាល់។ ក្នុងសម័យពិភាក្សារ លើកនេះ បណ្ដាថ្នាក់ដឹកនាំទាំង៤រូបបានឯកភាពថា៖ ត្រូវមានការប្រត្តិកម្មខ្លាំងក្លា ប្រសិនបើ កិច្ចព្រមព្រៀងឈប់បាញ់ទីក្រុង Minsk ទី ២ ត្រូវបានរំលោភ។ ក្នុងករណីនេះ ថ្នាក់ដឹកនាំទាំង ៤ រូបបានឯកភាពត្រៀមខ្លួនជាស្រេចបង្កើនបទដាក់ទណ្ឌកម្មចំពោះ រុស្ស៊ី។ ថ្លែងមតិនៅទីនេះ ប្រធានាធិបតីអាមេរិក លោក Barack Obama បានឲ្យដឹង ថា៖ អាមេរិកកំពុងពិនិត្យមើលលទ្ធភាពផ្គត់ផ្គង់អាវុធសំរាប់អ៊ុយក្រែន។ បណ្ដាថ្នាក់ ដឹកនាំរបស់អាមេរិកនិងអឺរ៉ុបបានមានគោលបំណងបង្កើនការដាក់ពង្រាយនិងតួនាទី នៃកំលាំងអ្នកសង្គេតការចំណុះអង្គការសន្តិសុខនិងសហប្រតិបត្តិការអឺរ៉ុប (OSCE) ក្នុងការអនុវត្តកិច្ចព្រមព្រៀងឈប់បាញ់នៃភាគីទាក់ទិននានា៕