«យុទ្ធនាការ ៥០០ ថ្ងៃទាំងយប់ ជំរុញការស្វែងរក ការប្រមូល និងការកំណត់អត្តសញ្ញាណអដ្ឋិធាតុយុទ្ធជនពលី» មិនត្រឹមតែជាផែនការសកម្មភាពជាតិប៉ុណ្ណោះទេ ថែមទាំងជាបទបញ្ជាពីបេះដូងរបស់អ្នកដែលនៅសេសសល់ ជាការដឹងគុណរបស់មនុស្សជំនាន់នេះ។
កាលពីថ្ងៃទី ២ ខែមេសា នៅកេរ្តិ៍ដំណែលប្រវត្តិសាស្ត្រជាតិពិសេស កំពែងបុរាណក្វាងទ្រី គណៈកម្មាធិការជាតិដឹកនាំការស្វែងរក ការប្រមូល និងការកំណត់អត្តសញ្ញាណអដ្ឋិធាតុយុទ្ធជនពលី បានរៀបចំពិធីបើកសម្ពោធ «យុទ្ធនាការ ៥០០ ថ្ងៃដើម្បីជំរុញការស្វែងរក ការប្រមូល និងការកំណត់អត្តសញ្ញាណអដ្ឋិធាតុយុទ្ធជនពលី» យ៉ាងឱឡារិក។ រូបថត៖ ថាញ់ហៀវ/VOV-ភាគកណ្តាល
ជួរផ្នូរដែលរៀបចំយ៉ាងស្អាតបាត គឺជាសក្ខីភាពនៃការលះបង់ដ៏ធំធេងរបស់មនុស្សជំនាន់មុនៗ ដើម្បីសន្តិភាពសព្វថ្ងៃនេះ។ រូបថត៖ គីមថាញ់/VOV
នៅក្នុងលិខិតមួយច្បាប់ផ្ញើជូនវីរអ្នកម្តាយវៀតណាម វីរបុរសនៃកងកម្លាំងប្រដាប់អាវុធប្រជាជន វីរបុរសពលកម្ម យុទ្ធជនពិការ យុទ្ធជនជំងឺ សាច់ញាតិរបស់យុទ្ធជនពលី អតីតយុទ្ធជន អតីតនគរបាលប្រជាជន អតីតយុវជនស្ម័គ្រចិត្ត ជនមានអ្នកដែលចូលរួមក្នុងការតស៊ូដណ្ដើមឯករាជ្យ និងជនមានគុណូបការៈនៅទូទាំងប្រទេស ក្នុងឱកាសខួបលើកទី ៧៩ឆ្នាំ ទិវាយុទ្ធជនរបួស និងយុទ្ធជនពលី អគ្គលេខាបក្ស ប្រធានរដ្ឋវៀតណាម លោក តូ ឡឹម បានសង្កត់ធ្ងន់ថា៖ «យុទ្ធនាការ ៥០០ ថ្ងៃទាំងយប់ ជំរុញការស្វែងរក ការប្រមូល និងការកំណត់អត្តសញ្ញាណអដ្ឋិធាតុយុទ្ធជនពលី» គឺជាបទបញ្ជាពីបេះដូង ជាការហែក្បួនក្នុងសម័យសន្តិភាព ដើម្បីស្វែងរកអ្នកដែលបានកសាងសន្តិភាព ការបន្តសិលធម៌ «ផឹកទឹកនឹងប្រភពដើម» និង «ការតប់ស្នងសង់គុណ»។ រូបថត៖ The Anh/nhandan.vn
ដោយមានស្មារតីនោះ និងតាមរយៈជំនួបជាមួយសាក្សីប្រវត្តិសាស្ត្រ ក្រុមការងារបានធ្វើការសើបអង្កេតនៅក្នុងតំបន់ដែលធ្លាប់ជាសមរភូមិដ៏កាចសាហាវ ដោយតាមដានប្រភពព័ត៌មាននិងស្នាក់ស្នាមទាំងអស់ដែលនៅសេសសល់ ក្រោយរយៈពេលជាច្រើនទសវត្សរ៍។ រូបថត៖ VOV
ទោះបីជាមានដីរដិបរដុប អាកាសធាតុអាក្រក់ និងស្លាកស្នាមសង្គ្រាមរសាត់បាត់ទៅក៏ដោយ ការងារស្វែងរកនៅតែបន្តជាមួយនឹងកិច្ចខិតខំប្រឹងប្រែងរបស់យុទ្ធជនកងទ័ព។ រូបថត៖ VOV
វត្ថុបុរាណនីមួយៗដែលត្រូវបានរកឃើញ ត្រូវបានកត់ត្រា និងថែរក្សាយ៉ាងយកចិត្តទុកដាក់ បន្ថែមទិន្នន័យដ៏មានតម្លៃដើម្បីផ្ទៀងផ្ទាត់ព័ត៌មានអំពីយុទ្ធជនពលី។ រូបថត៖ VOV
អដ្ឋិធាតុយុទ្ធជនពលីត្រូវបានសម្អាត ចុះលេខ និងគ្របដណ្ដប់ដោយទង់ជាតិពណ៌ក្រហម មុនពេលត្រូវបានបញ្ជូនទៅឈាបនដ្ឋានយុទ្ធជនពលី។ រូបថត៖ VOV
គួរឱ្យកត់សម្គាល់ថា នៅដើមខែកក្កដានេះ នៅឧទ្យានឡេធីរៀង គណៈកម្មាធិការដឹកនាំ ៥១៥ជាតិ គណៈកម្មាធិការដឹកនាំ ៥១៥ នៃយោភូមិភាគ ៧ និងគណៈកម្មាធិការដឹកនាំ ៥១៥ នៃទីក្រុងហូជីមិញ បានធ្វើពិធីបើកការស្វែងរក និងប្រមូលអដ្ឋិធាតុយុទ្ធជនពលីដែលបានពលីជីវិតក្នុងយុទ្ធនាការវាយប្រហារ និងក្រោកឈរឡើងទូទៅនានិទាឃរដូវឆ្នាំ១៩៦៨។ រូបថត៖ Ty Huynh/VOV-ទីក្រុងហូជីមិញ
គិតត្រឹមពាក់កណ្តាលខែកក្កដា ឆ្នាំ២០២៦ នៅឧទ្យានឡេធីរៀង អដ្ឋិធាតុយុទ្ធជនពលីចំនួន ១០០ និងអដ្ឋិធាតុចំនួន ២ ត្រូវបានប្រមូល។ រូបថត៖ Ty Huynh/VOV-ទីក្រុងហូជីមិញ
នៅតាមតំបន់ព្រៃឈើ ជម្រាលភ្នំ និងអតីតសមរភូមិនៅទូទាំងប្រទេសវៀតណាម ក៏ដូចជាប្រទេសជិតខាងឡាវ និងកម្ពុជា «យុទ្ធនាការ ៥០០ ថ្ងៃទាំងយប់ ជំរុញការស្វែងរក ការប្រមូល និងការកំណត់អត្តសញ្ញាណអដ្ឋិធាតុយុទ្ធជនពលី» កំពុងបន្តកិច្ចខិតខំប្រឹងប្រែង ដើម្បីនាំយកវីរយុទ្ធជនពលី ឱ្យវិលត្រឡប់ទៅកាន់ស្រុកកំណើត ក្រុមគ្រួសារ និងឈ្មោះពិតរបស់ពួកគេវិញ។ រូបថត៖ Thien Ly/VOV-ទីក្រុងហូជីមិញ
អស់រយៈពេលជាង ៨២ ថ្ងៃ និងយប់ មន្ត្រី និងយុទ្ធជនចំនួន ៤២នាក់ នៃក្រុម K72 បានស្វែងរកលើផ្ទៃដីជាង ៣០០,០០០ ម៉ែត្រការ៉េ ជីករណ្តៅសាកល្បងជាង ៨,០០០ និងលេណដ្ឋានជាង ៣,០០០ ម៉ែត្រ និងបានរំកិលដីនិងថ្មជាង ២៦,០០០ ម៉ែត្រគូប ដើម្បីស្វែងរក និងប្រមូលអដ្ឋិធាតុយុទ្ធជនពលីចំនួន ៦២នាក់ ដែលបានពលីជីវិតនៅប្រទេសកម្ពុជា។ រូបថត៖ Thien Ly/VOV-ទីក្រុងហូជីមិញ
បុគ្គលិកជំនាញប្រមូលអដ្ឋិធាតុសម្រាប់ធ្វើតេស្ត DNA - ជារបកគំហើញមួយដែលជួយ "ស្តារឈ្មោះ" សម្រាប់មនុស្សដែលបានពលីជីវិត។ រូបថត៖ VOV
ការប្រមូលសំណាកជីវសាស្រ្តពីសាច់ញាតិរបស់យុទ្ធជនពលីកំពុងត្រូវបានអនុវត្តក្នុងពេលដំណាលគ្នាននៅទូទាំងប្រទេស ដោយរួមចំណែកដល់ការបំពេញមូលដ្ឋានទិន្នន័យ DNA ជាតិ។ រូបថត៖ VOV
នាពេលថ្មីៗនេះ តំណាងនៃនាយកដ្ឋានគ្រប់គ្រងរដ្ឋបាលសណ្តាប់ធ្នាប់សង្គម (C06) បានឱ្យដឹងថា នៅក្នុងកំណែថ្មីឮបំផុតនៃកម្មវិធី VNeID ក្រសួងសុខាភិបាល បានរួមបញ្ចូលមុខងារនិងសេវាកម្មជាច្រើនទៀត ដើម្បីជួយសាច់ញាតិរបស់យុទ្ធជនពលី អាចស្វែងរកព័ត៌មានរបស់យុទ្ធជនពលី។ រូបថត៖ C06
ផ្នូរនីមួយៗដែលបានកំណត់អត្តសញ្ញាណមិនត្រឹមតែបំពេញកំណត់ត្រាប្រវត្តិសាស្ត្រប៉ុណ្ណោះទេ ថែមទាំងជួយក្រុមគ្រួសារមួយបញ្ចប់ការស្វែងរកដ៏វែងឆ្ងាយអស់រយៈពេលជាច្រើនជំនាន់ទៀតផង។ រូបថត៖ Nam Trang/VOV-តៃង្វៀន
មិនត្រឹមតែជាភារកិច្ចនយោបាយប៉ុណ្ណោះទេ "យុទ្ធនាការ ៥០០ ថ្ងៃទាំងយប់" ក៏មានអត្ថន័យមនុស្សធម៌យ៉ាងជ្រាលជ្រៅ ដោយបង្ហាញពីការទទួលខុសត្រូវរបស់បក្ស រដ្ឋ និងសង្គមទាំងមូលក្នុងការដឹងគុណចំពោះអ្នកដែលបានពលីជីវិតដើម្បីឯករាជ្យ និងសេរីភាពរបស់មាតុភូមិ។
«យុទ្ធនាការ ៥០០ ថ្ងៃទាំងយប់ ជំរុញការស្វែងរក ការប្រមូល និងការកំណត់អត្តសញ្ញាណអដ្ឋិធាតុយុទ្ធជនពលី»
• ពេលវេលា៖ ថ្ងៃទី ១៥ ខែមីនា ឆ្នាំ ២០២៦ - ថ្ងៃទី ២៧ ខែកក្កដា ឆ្នាំ ២០២៧ (បំផុសនៅថ្ងៃទី ២ ខែមេសា ឆ្នាំ ២០២៦)។
• គោលបំណង៖ ប្រមូលអដ្ឋិធាតុរបស់យុទ្ធជនពលីប្រមាណ ៧០០០នាក់; ប្រមូលសំណាកពីផ្នូរចំនួន ២៣០.០០០ ដែលមិនទាន់កំណត់អត្តសញ្ញាណ; និងធ្វើតេស្ត DNA លើសំណាក់ចំនួន ១៨.០០០; កសាងមូលដ្ឋានទិន្នន័យ DNA បស់សាច់ញាតិយុទ្ធជនពលី និងជំរុញការងារបោសសំអាតគ្រាប់បែកមីនដើម្បីគាំទ្រដល់កិច្ចខិតខំប្រឹងប្រែងស្វែងរក។
• ផែនការ៖ ពិនិត្យបឋមនៅក្នុងខែវិច្ឆិកា ឆ្នាំ២០២៦ បូកសរុបមុនថ្ងៃទី២៧ ខែកក្កដា ឆ្នាំ២០២៧ ក្នុងឱកាសរំលឹកខួបលើកទី៨០ ទិវាយុទ្ធជនពិការ និងយុទ្ធជនជំងឺ។
រហូតមកដល់បច្ចុប្បន្ន បន្ទាប់ពីការអនុវត្តរយៈពេលជាងបួនខែ កងកម្លាំងបានស្វែងរក និងប្រមូលអដ្ឋិធាតុរបស់យុទ្ធជនពលីចំនួន ១.៤២៥នាក់ ក្នុងនោះ មានអដ្ឋិធាតុចំនួន ៤០១ នៅវៀតណាម អដ្ឋិធាតុចំនួន ១៧៤ នៅឡាវ និងអដ្ឋិធាតុចំនួន ៨៥០ នៅកម្ពុជា។ ប្រទេសទាំងមូលបានប្រមូលសំណាកពីផ្នូររបស់យុទ្ធជនពលី ចំនួន ៦៦.០១៣ ដែលក្នុងនោះសំណាកជាង ៤៦.០០០ បំពេញលក្ខ៍ណ្ឌសម្រាប់ការវិភាគ។ លើសពីនេះ សំណាកជីវសាស្រ្តចំនួន ៩៣.៤៦៤ ពីសាច់ញាតិរបស់យុទ្ធជនពលី ត្រូវបានប្រមូលដើម្បីបង្កើតមូលដ្ឋានទិន្នន័យផ្គូផ្គង DNA៕
