ໃນການຖະແຫຼງການຮ່ວມ, ທ່ານ Narendra Modi ຢັ້ງຢືນວ່າ ອິນເດຍ ແລະ ຝລັ່ງ ໄດ້ກ້າວເຂົ້າສູ່ສັງກາດໃໝ່ ທີ່ມີລັກສະນະຍຸດທະສາດ, ຮອບດ້ານ ແລະ ປະກອບສ່ວນຢ່າງຕັ້ງໜ້າເຂົ້າໃນການຮັກສາສະຖຽນລະພາບ ແລະ ພັດທະນາຂອງພາກພື້ນກໍຄືທົ່ວໂລກ. ສອງຝ່າຍເຫັນດີເປີດກວ້າງການຮ່ວມມືໃນບັນດາຂົງເຂດປ້ອງກັນຊາດ, ພະລັງງານສະອາດ, ອາວະກາດ, ເຕັກໂນໂລຢີຫາກໍ່ພົ້ນເດັ່ນ ແລະ ນະວັດຕະກຳ, ພ້ອມທັງປຸກລະດົມ “ປີແຫ່ງນະວັດຕະກຳ ອິນເດຍ - ຝລັ່ງ” ກັບບັນດາສູນຄົ້ນຄວ້າ ແລະ ການເຊື່ອມຕໍ່ວິສາຫະກິດ, startup, ນັກສຶກສາ ແລະ ນັກວິທະຍາສາດຂອງສອງປະເທດ.         ສິ່ງທີ່ໜ້າສົນໃຈແມ່ນ, ສອງຝ່າຍໄດ້ເປີດນຳໃຊ້ຕ່ອງໂສ້ປະກອບເຮຶອບິນ ເຮລີກອັບແຕ Airbus H125 ຢູ່ ອິນເດຍ, ຮັບໃຊ້ຄວາມຕ້ອງການພາຍໃນປະເທດ ແລະ ສົ່ງອອກສາກົນ.         ການນຳສອງທ່ານກໍຢັ້ງຢືນຄືນຄຳໝັ້ນສັນຍາຕໍ່ກັບລັດທິຫຼາຍຝ່າຍ, ປະຕິຮູບລະບອບລະບຽບການທົ່ວໂລກ, ສັນຕິພາບຢູ່ ຢູແກຼນ, ອາຊີຕາເວັນຕົກ ແລະ ພາກພື້ນມະຫາສະໝຸດອິນເດຍ - ປາຊີຟິກ, ພ້ອມທັງຕັດສິນໃຈຕ້ານການກໍ່ການຮ້າຍດ້ວຍທຸກວິທີທາງ.